ອີຣານຢັ້ງຢືນວ່າ ຍັງບໍ່ທັນມີແຜນການມອບ ກັບດຳ ເຮືອບິນໂດຍສານຂອງ ຢູແກຼນໃຫ້ແກ່ປະເທດອື່ນ
(VOVWORLD) -ສຳນັກຂ່າວສານແຫ່ງລັດ ອີຣານ (IRNA) ໄດ້ລົງ ຂ່າວວ່າ ປະເທດນີ້ພວມພະຍາຍາມ ວິໄຈບັນດາກັບດຳຂອງ ເຮືອບິນ ຢູແກຼນ ທີ່ຕົກຢູ່ ອີີຣານໃນວັນທີ 08/01, ຜ່ານນັ້ນກໍ່ປະຕິເສດຂໍ້ມູນຂ່າວທີ່ວ່າ ເຕເຮຣານ ໄດ້ຕັດສິນໃຈມອບກັບດຳຂອງເຮືອບິນໃຫ້ ຢູແກຼນ.
 ສະຖານທີ່ເກີດເຫດເຮືອບິນ ຢູແກຼນຕົກຢູ່ ອີຣານ (ພາບ: THX/TTXVN) |
ກ່ອນໜ້ານັ້ນໃນວັນທີ 18 ມັງກອນ, ສຳນັກຂ່າວສານ Daneshjoo ຂອງ ອີຣານ ໄດ້ຄັດສະເໜີຄຳເວົ້າຂອງທ່ານ Hassan Rezaifar ຜູ້ອຳນວຍການຮັບຜິດຊອບການສືບສວນອຸບັດຕິເຫດ ທີ່ຂຶ້ນກັບອົງການການບິນ ພົນລະເຮືອນ ຂອງ ອີຣານທີ່ຖືວ່າ ບໍ່ສາມາດຖອດລະຫັດໄດ້ກັບດຳຢູ່ ອີີຣານໄດ້ ແລະ ບັນດາອຸປະກອນນີ້ຈະໄດ້ມອບໃຫ້ ຢູແກຼນ ພາຍຫຼັງ Kiev ຮຽກຮ້ອງມາເປັນຫຼາຍຄັ້ງ. ໃນວັນດຽວກັນ, ສຳນັກຂ່າວສານ Tasmin ກໍ່ໄດ້ລົງຂ່າວວ່າ ອີຣານຈະບໍ່ຊອກຫາວິທີຖອດລະຫັດກັບດຳຢູ່ພາຍໃນປະເທດ.