ອີຣານເຂົ້າຮ່ວມຮອບເຈລະຈາສັນຕິພາບຄັ້ງຕໍ່ໄປກ່ຽວກັບຊີຣີ
(ພາບປະກອບ)
(vovworld) – ຄາດວ່າ, ອີຣານ ຈະເຂົ້າຮ່ວມຮອບເຈລະຈາສັນຕິພາບກ່ຽວກັບຊີຣີ. ຄຳຖະແຫຼງດັ່ງກ່າວຖືກຍົກອອກມາພາຍຫຼັງອີຣານ ນາບຂູ່ຈະຖອນອອກຈາກບັນດາການເຈລະຈາສັນຕິພາບກ່ຽວກັບຊີຣີ ຖ້າຫາກເຫັນວ່າ ວິວັດທະນາການນີ້ບໍໍ່ມີລັກສະນະສ້າງສັນ 1 ສັບປະດາ. ວັນທີ 30/10 ຜ່ານມາ, ບັນດາປະເທດມະຫາອຳນາດໃນໂລກ ແລະ ພາກພື້ນ, ລວມທັງອີຣານ ໄດ້ເຂົ້າຮ່ວມກອງປະຊຸມສາກົນກ່ຽວກັບຊີຣີ ເຊິ່ງຈັດຂຶ້ນຢູ່ນະຄອນຫຼວງວຽນ, ປະເທດໂອຕາລິດ ເພື່ອແນໃສ່ປຶກສາຫາລືກ່ຽວກັບມາດຕະການດ້ານການເມືອງໃຫ້ແກ່ສົງຄາມການເມືອງຊີຣີ. ນີ້ແມ່ນຄັ້ງທຳອິດທີ່ອີຣານ ພ້ອມກັບບັນດາປະເທດມະຫາອຳນາດເຂົ້າຮ່ວມການເຈລະຈາເພື່ອປຶກສາຫາລືກ່ຽວກັບບັນດາມາດຕະການແກ້ໄຂວິກິດການຢູ່ຊີຣີ. ແຕ່ຫຼັງຈາກນັ້ນພຽງ 2 – 3 ວັນ, ທີ່ກອງປະຊຸມຢູ່ວຽນ, ອີຣານ ໄດ້ຖະແຫຼງຈະຖອນອອກຈາກບັນດາການເຈລະຈານີ້ ແລະ ກ່າວຫາວ່າ ໃນຮອບເຈລະຈາທຳອິດນີ້ ຊາອຸດີ ອາຣາເບຍ ໄດ້ສະແດງໃຫ້ເຫັນທ່າທີຫຍໍ້ທໍ້. ຮອບເຈລະຈາສັນຕິພາບຄັ້ງຕໍ່ໄປກ່ຽວກັບຊີຣີ ອາດຈະເລີ່ມຕົ້ນໃນສັບປະດາຈະມາເຖິງ.