(vovworld)- ວັນທີ 11/11, ທ່ານ Ali Akbar Salehi ຜູ້ອຳນວຍການໃຫ່ຍອົງການພະລັງງານປະລະມານູອີຣານ ປະກາດວ່າ: ອິຣານ ແລະ ອົງການພະລັງງານປະລະມານູສາກົນ (IAEA) ບັນລຸໄດ້ຂໍ້ຕົກລົງກ່ຽວກັບ “ຂັ້ນຕອນການຮ່ວມມື“ ເພື່ອແນໃສ່ແກ້ໄຂບັນດາບັນຫາທີ່ຍັງຄົງຂ້າງກ່ຽວຂ້ອງເຖິງໂຄງການນິວເຄຼຍທີ່ໄດ້ກໍ່ຄວາມໂຕ້ຖຽງກັນຂອງເຕເຮຣານ. ກ່າວຄຳເຫັນທີ່ການປະຊຸມຂ່າວລວມຢູ່ເຕເຮຣານກັບທ່ານ Yukia Ammano ຜູ້ອຳນວຍການໃຫ່ຍ IAEA, ທ່ານ Salehi ໃຫ້ຮູ້ວ່າ: ສອງຝ່າຍໄດ້ດຳເນີນການເຈລະຈາກ່ຽວກັບການເພີ່ມທະວີການຮ່ວມມືໃນບັນດາຂົງເຂດສຳເລັດຜົນ ແລະ ໄດ້ລົງນາມໃນຖະແຫຼງການຮ່ວມກຳນົດ ກັບ “ຂັ້ນຕອນການຮ່ວມມື“. ຕາມຂໍ້ຕົກລົງທີ່ບັນລຸໄດ້ນັ້ນ, ອີຣານ ຕົກລົງໃຫ້ບັນດານັກສັງເກດການຂອງ IAEA ມາກວດກາເຕົາປະຕິກອນນິວເຄຼຍ ແລະ ບໍ່ຢູຣານຽມຢູ່ພາກໃຕ້ປະເທດນີ້ ພ້ອມທັງເຫັນດີກັບບັນດາມາດຕະການຊື່ງ IAEA ຮຽກຮ້ອງປະຕິບັດ./.