(vovworld) – ວັນທີ 23/08, ສະຖານທູດອີຣານ ຢູ່່ນະຄອນລອນດອນ, ປະເທດອັງກິດ ໄດ້ເປີດປະຕູຄືນໃໝ່ ໃນວັນດຽວກັບ ອັງກິດ ກໍເປີດສະຖານທູດຂອງປະເທດນີ້ ຢູ່ ເຕເຣຣານ. ຄາດວ່າ, 2 ປະເທດ ຈະແຕ່ງຕັ້ງບັນດາເອກອັກຄະລັດຖະທູດໃນໄລຍະຈະມາເຖິງ. ເຂົ້າຮ່ວມພິທີ ທີ່ລອນດອນ, ມີທ່ານອຸປະທູດຊົ່ວຄາວອີຣານ Mohammad Hassan Habibollahzadeh ແລະ ທ່ານລັດຖະມົນຕີວ່າການກະຊວງການຕ່າງປະເທດອີຣານ Mehdi Danesh Yazdi. ແລະກໍໃນວັນດຽວກັນ, ທ່ານລັດຖະມົນຕີວ່າການກະຊວງການຕ່າງປະເທດອັງກິດ Philip Jammond ໄດ້ມີໜ້າຢູ່ເຕເຣຣານ ເພື່ອເຂົ້າຮ່ວມພິທີເປີດສະຖານທູດຂອງປະເທດນີ້ຢູ່ເຕເຣຣານ ຄືນໃໝ່, ນີ້ແມ່ນຂີດໝາຍອັນໃຫຍ່ຫຼວງ ໃນຄວາມມານະພະຍາຍາມປັບປຸງການພົວພັນທາງການທູດລະຫວ່າງ 2 ຝ່າຍ ພາຍຫຼັງຖືກຢຸດຕິມາເປັນເວລາ 4 ປີ. ຄາດວ່າ, ທ່ານ Philip Jammond ຈະມີການປະຊຸມຂ່າວຮ່ວມກັບຄູຕຳແໜ່ງປະເທດເຈົ້າພາບ Mohammad Javad Zarif ແລະ ພົບປະກັບທ່ານປະທານາທິບໍດີ Hassan Rouhani.