ທ່ານນາຍົກລັດຖະມົນຕີຫວຽດນາມ ໄດ້ອະນຸມັດຜ່ານແຜນການປະຕິບັດສົນທິສັນຍາ ລາໄຮ ປີ 1970 ກ່ຽວກັບການເກັບກໍາຫຼັກຖານຢູ່ຕ່າງປະເທດໃນຂົງເຂດພົນລະເຮືອນ ຫຼື ການຄ້າຂອງຫວຽດນາມ. ເປົ້າໝາຍຂອງແຜນການ ແມ່ນເພື່ອແນໃສ່ຂຸດຄົ້ນຜົນປະໂຫຍດໃຫ້ໄດ້ຫຼາຍທີ່ສຸດ, ພ້ອມທັງປະຕິບັດໜ້າທີ່ຄວາມຮັບຜິດຊອບຂອງສະມາຊິກສົນທິສັນຍາ ຂອງຫວຽດນາມໃຫ້ຄົບຖ້ວນ; ຍົກສູງກໍາລັງຄວາມສາມາດ ແລະ ປະສິດທິຜົນຂອງວຽກງານໜູນຊ່ວຍດ້ານຕຸລາການໃນການເກັບກໍາຫຼັກຖານຂອງ ຫວຽດນາມ, ຜ່ານນັ້ນໜູນຊ່ວຍແກ້ໄຂບັນດາຄະດີແພ່ງ ທີ່ມີສ່ວນກ່ຽວຂ້ອງເຖິງຊາວຕ່າງປະເທດ; ສ້າງເງື່ອນໄຂສະດວກໃຫ້ແກ່ການສ້າງກົດໝາຍພາຍໃນປະເທດ ກ່ຽວກັບການໜູນຊ່ວຍດ້ານຕຸລາການໃນຂົງເຂດພົນລະເຮືອນ ໃຫ້ສົມບູນແບບຕາມມາດຕະຖານສາກົນ.

        ຕາມແຜນການ, ບັນດາອົງການທີ່ມີຄວາມຮັບຜິດຊອບ ຈະປະຕິບັດການໂຄສະນາ,ເຜີຍແຜ່, ຍົກສູງຄວາມຮັບຮູ້ຂອງປະຊາຊົນກ່ຽວກັບສົນທິສັນຍາສະບັບດັ່ງກ່າວ; ປະຕິບັດສົນທິສັນຍາໃຫ້ມີປະສິດທິຜົນ.