( vovworld ) - ທ່ານນາຍົກລັດຖະມົນຕີຫາກໍເຊັນຂໍ້ຕົກລົງອະນຸມັດແຜນການພັດທະນາໂທລະຄົມມະນາຄົມແຫ່ງຊາດຮອດປີ 2020 ດ້ວຍຈຸດໝາຍເຖິງປີ 2015. ຕາມແຜນການແລ້ວ, ຈະມີ 40 – 45% ຈຳນວນຄອບຄົວມີໂທລະສັບຕັ້ງໂຕະ; ອັດຕາຜູ້ນຳໃຊ້ອີນເຕີແນດກວມ 40 – 45% ຈຳນວນພົນລະເມືອງ ແລະ ຮອດປີ 2020 ອັດຕາສ່ວນນີ້ບັນລຸແຕ່ 55 – 60%. ແຜນການກໍໄດ້ວາງອອກຈຸດໝາຍຮອດ 2015, ກະຈາຍສັນຍາໂທລະສັບມືຖືກເຖິງ 90% ຈຳນວນພົນລະເມືອງໃນທົ່ວປະເທດ, ຮອດປີ 2020 ແມ່ນກ່ວາ 95%. ສູ້ຊົນຮອດປີ 2020, ລະດັບເຕີບໂຕທາງໂທລະຄົມມະນາຄົມບັນລຸປະມານ 1,2- 1,5 ເທົ່າເມື່ອທຽບໃສ່ລະດັບເຕີບໂຕ GDP. ຕາມແຜນການແລ້ວ, ໃນໄລຍະທີ່ຈະມາເຖິງ, ຈະສ້າງໂຄງປະກອບຕະຫຼາດໂທລະຄົມມະນາຄົມ ບົນພື້ນຖານຈັດຕັ້ງບັນດາວິສາຫະກິດໂທລະຄົມຄືນໃໝ່, ພິເສດແມ່ນບັນດາວິສາຫະກິດຂອງລັດ ທີ່ເຄື່ອນໄຫວບໍ່ບັນລຸປະສິດທິຜົນ, ຕາມທິດມອບໂອນ, ຊື້ຂາຍ, ໂຮມບັນດາວິສາຫະກິດເພື່ອແນໃສ່ສ້າງເປັນ 3 – 4 ກຸ່ມບໍລິສັດ, ບໍລິສັດໃຫຍ່ທີ່ເຂັ້ມແຂງ, ເຄື່ອນໄຫວຕາມທິດຊຳນິຊຳນານກວ່າ ແລະ ແບບອາຊີບ ບົນພື້ນຖານນຳໃຊ້ພື້ນຖານໂຄງລ່າງ, ແຫຼ່ງກຳລັງ ແລະ ຊັບພະຍາກອນໂຄລະຄົມມະນາຄົມຢ່າງມີປະສິດທິຜົນ.