ອາຊີຕາເວັນອອກສ່ຽງໃຕ້ ນັບມື້ນັບມີຄວາມສຳຄັນ ສຳລັບໂລກ
ບັນດາຜູ້ແທນເຂົ້າຮ່ວມກອງປະຊຸມສຳມະນາ
ອາຊີຕາເວັນອອກສ່ຽງໃຕ້ຢູ່ມະຫາວິທະຍາໄລ Oxford
(ພາບ: Lê Phương/Vietnam+)
(vovworld)- ຕາມຂໍ້ໃຫ້ສັງເກດລວມຂອງບັນດານັກຮຽນຮູ້, ນັກຄົ້ນຄ້ວາ ແລະ ນັກການເມືອງເຂົ້າຮ່ວມກອງປະຊຸມສຳມະນາອາຊີຕາເວັນອອກສ່ຽງໃຕ້ ຊື່ງຈັດຂຶ້ນໃນວັນທີ 22-23/3 ຜ່ານມາຢູ່ມະຫາວິທະຍາໄລ Oxford ປະເທດອັງກິດແລ້ວ, ປະຈຸບັນ, ອາຊີຕາເວັນອອກສ່ຽງໃຕ້ ແມ່ນພາກພື້ນພັດທະນາຢ່າງຂະຫຍັນຂັນເຄື່ອນ ແລະ ມີການເຊື່ອມໂຍງຢ່າງໄວວາ. ບັນດາບົດປະກອບຄຳເຫັນຢູ່ກອງປະຊຸມສຳມະນາໄດ້ເຕື້ອງເຖິງບັນດາບັນຫາມີລັກສະນະສະຖານະການໃນປະຈຸບັນຢູ່ອາຊີຕາເວັນອອກສ່ຽງໃຕ້ຄື: ວິວັດການປະຕິຮູບກົດໝາຍ ແລະ ກົນໄກ, ການເຊື່ອມໂຍງ ແລະ ການພັດທະນາເສດຖະກິດ, ປົກປັກຮັກສາສິ່ງແວດລ້ອມ, ການຂຸດຄົ້ນ ແລະ ນຳໃຊ້ແຫຼ່ງຊັບພະຍາກອນທຳມະຊາດຢ່າງມີປະສິດທິຜົນ…ບັນດານັກຮຽນຮູ້ຖືວ່າ: ອາຊີຕາເວັນອອກສ່ຽງໃຕ້ ມີບັນດາທ່າໄດ້ປຽບທີ່ສຳຄັນເພື່ອກາຍເປັນພາກພື້ນ ພັດທະນາຢ່າງຂະຫຍັນຂັນເຄື່ອນ ແຕ່ຍັງສາມາດປະເຊີນໜ້າກັບສິ່ງທ້າທາຍເກີດຂຶ້ນໃໝ່ທີ່ໄດ້ນາບຂູ່ຄວາມໝັ້ນຄົງປອດໄພ. ສະນັ້ນ, ບັນດາປະເທດອາຊີຕາເວັນອອກສ່ຽງໃຕ້ຕ້ອງມີການຮ່ວມມືກັນຫຼາຍກ່ວາອີກເພື່ອແນໃສ່ແບ່ງປັນແຫຼ່ງກຳລັງ ແລະ ຍົກສູງປະສິດທິຜົນ. ບັນດານັກຮຽນຮູ້ຖືວ່າ: ບົດບາດຂອງອາຊຽນ ຕ້ອງໄດ້ຮັບການເສີມຂະຫຍາຍຢ່າງແຮງ, ໂດຍສະເພາະແມ່ນໃນຄວາມມານະພະຍາຍາມແກ້ໄຂການພິພາດອະທິປະໄຕຢູ່ທະເລຕາເວັນອອກດ້ວຍມາດຕະການໂດຍສັນຕິວິທີ./.