ທ່ານຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ຫວຽດນາມໄດ້ເປັນປະທານວາລະຈັດກຽມຕາມຮູບການທາງອອນລາຍ ໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 37 (ພາບ: TTXVN)

ຕາມລາຍການ, ວັນທີ 10 ພະຈິກຈະດຳເນີນບັນດາການເຄື່ອນໄຫວຄື: ກອງປະຊຸມລັດຖະມົນຕີການຕ່າງປະເທດ ອາຊຽນ, ກອງປະຊຸມສະມັດຊາປະຊາຄົມການເມືອງ - ຄວາມໝັ້ນຄົງ ອາຊຽນຄັ້ງທີ 22, ກອງປະຊຸມສະມັດຊາປະສານງານ ອາຊຽນຄັ້ງທີ 28, ພິທີລົງນາມເອກະສານເຂົ້າຮ່ວມສົນທິສັນຍາເປັນມິດ ແລະ ການຮ່ວມມືອາຊີຕາເວັນອອກສ່ຽງໃຕ້, ກອງປະຊຸມຈັດກຽມຂັ້ນລັດຖະມົນຕີເສດຖະກິດ ອາຊຽນ, ກອງປະຊຸມສະມັດຊາປະຊາຄົມເສດຖະກິດ ອາຊຽນຄັ້ງທີ 19, ການໂອ້ລົມສົນທະນາຕາມຮູບການ Troika ເປີດກ້ວາງ ລະຫວ່າງ ລັດຖະມົນຕີເສດຖະກິດ ອາຊຽນ ແລະ ລັດຖະມົນຕີການຄ້າ ສະວິດ.

ກອງປະຊຸມສຸດຍອດອາຊຽນ ຄັ້ງທີ 37 ແລະ ບັນດາກອງປະຊຸມທີ່ກ່ຽວຂ້ອງແມ່ນໂອກາດສຳຄັນເພື່ອໃຫ້ຫວຽດນາມ ແລະ ບັນດາປະເທດສະມາຊິກ ອາຊຽນ ຍົກອອກບັນດານະໂຍບາຍຕັດສິນຊີ້ຂາດ, ການຊີ້ນຳສຳຄັນກ່ຽວກັບການຮ່ວມມື ອາຊຽນ  ແລະ ການພົວພັນກັບບັນດາຄູ່ຮ່ວມມື, ນະໂຍບາຍຂອງ ອາຊຽນສຳລັບບັນດາບັນຫາໃນພາກພື້ນ ແລະ ສາກົນ ທີ່ສົ່ງຜົນກະທົບຕໍ່ພາກພື້ນໃນໄລຍະຈະມາເຖິງ. ນີ້ກໍ່ແມ່ນບັນດາການເຄື່ອນໄຫວທີ່ມີຄວາມໝາຍພິເສດ, ສິ້ນສຸດລົງອາຍຸການປະທານອາຊຽນ 2020 ຂອງ ຫວຽດນາມ.