(ພາບປະກອບ)
(vovworld) - ໃນລະຫວ່າງວັນທີ 18 – 20/06, ຢູ່ຮ່າໂນ້ຍ, ສະຖາບັນການຕ່າງປະເທດ ຈະເປັນປະທານຈັດກອງປະຊຸມສຳມະນາ “ເພີ່ມທະວີການຮ່ວມມືລະຫວ່າງອາຊຽນ - ຈີນ ໃນການຊອກຫາ ແລະ ກູ້ໄພກູ້ຊີບສຳລັບຄົນ ແລະ ກໍ່າປັ່ນເຮືອແພເມື່ອຖືກອຸບັດຕິເຫດຢູ່ທະເລຕາເວັນອອກ”. ຕາມແຈ້ງຂ່າວຂອງໂຄສົກກະຊວງການຕ່າງປະເທດຫວຽດນາມ ທ່ານ ເລືອງແທງຫງິ້ ແລ້ວ, ກອງປະຊຸມສຳມະນາຄັ້ງນີ້ ແມ່ນພາກສ່ວນໜຶ່ງເພື່ອແນໃສ່ຜັນຂະຫບາຍແຜນການປະຕິບັດງານລະຫວ່າງອາຊຽນ - ຈີນ ກ່ຽວກັບຫຼັກການແນະນຳການປະຕິບັດຖະແຫຼງການກ່ຽວກັບຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC). ນີ້ແມ່ນໂອກາດເພື່ອໃຫ້ບັນດາປະເທດພ້ອມກັນປຶກສາຫາລືມາດຕະການສ້າງຄວາມໄວ້ເນື້ອເຊື່ອໃຈຜ່ານການຮ່ວມມືຊອກຫາ ແລະ ກູ້ໄພກູ້ຊີບຢູ່ທະເລຕາເວັນອອກ, ຕີລາຄາສະພາບຕົວຈິ່ງ ແລະ ຄວາມຕ້ອງການສ້າງບັນດາມາດຕະການລວມໃນການໜູນຊ່ວຍຄົນ ແລະ ກໍ່າປັ່ນເຮືອແພທີ່ຖືກອຸບັດຕິເຫດຢູ່ທະເລຕາເວັນອອກ; ບັນດາປັດໃຈທີ່ກະທົບເຖິງການສົມທົບກັນຊ່ວຍເຫຼືອມະນຸດສະຖທຳໃນພາກພື້ນ ແລະ ຍົກອອກຂໍ້ສະເໜີກ່ຽວກັບການເພີ່ມທະວີການຮ່ວມມືໃນຂົງເຂດກູ້ໄພກູ້ຊີບສຳລັບຄົນ ແລະ ກໍ່າປັ່ນເຮືອແພທີ່ຖືກອຸບັດຕິເຫດຢູ່ທະເລຕາເວັນອອກຢ່າງລະອຽດ. ເຂົ້າຮ່ວມກອງປະຊຸມສຳມະນາ, ມີຜູ້ຕາງໜ້າລັດຖະບານ, ບັນດານັກຮຽນຮູ້, ຜູ້ຊ່ຽວຊານຂອງບັນດາປະເທດອາຊຽນ ແລະ ຈີນ.