(vovworld) – ກອງປະຊຸມສຳມະນາສາກົນ ກ່ຽວກັບວິສາຫະກິດຂະໜາດກາງ ແລະ ນ້ອຍ (SME) ແລະ ແຫ່ງບຳລຸງສ້າງວິສາຫະກິດເຕັກໂນໂລຢີ (TBI) ສັງກັດສະມາຄົມບັນດາປະເທດ ອາຊີ ຕາເວັນອອກສ່ຽງໃຕ້ (ອາຊຽນ) ຖືກຈັດຂຶ້ນໃນວັນທີ 17 ແລະ 18/6 ຢູ່ປະເທດ ອິນໂດເນເຊຍ. ເຫດການດັ່ງກ່າວໂດຍຄະນະເລຂາ ອາຊຽນ ແລະ ອິນໂດເນເຊຍ ສົມທົບກັນຈັດຕັ້ງ, ດ້ວຍການອຸປະຖຳຂອງກອງທຶນເຊື່ອມໂຍງ ຍີ່ປຸ່ນ - ອາຊຽນ (JAIF). ກ່າວຄຳເຫັນທີ່ກອງປະຊຸມສຳມະນາ, ທ່ານ Wayan Dipta, ຮອງລັດຖະມົນຕີກະຊວງບັນດາວິສາຫະກິດຂະໜາດກາງ ແລະ ນ້ອຍ ແລະ ສະຫະກອນ ອິນໂດເນເຊຍ ໃຫ້ຮູ້ວ່າ: ເຫດການນີ້ແມ່ນສ່ວນໜຶ່ງໃນໂຄງການຂອງ ອາຊຽນ, ເພື່ອແນໃສ່ເພີ່ມທະວີກຳລັງແຮງ ແລະ ການເຄື່ອນໄຫວຂອງບັນດາ SME ແລະ TBI, ໜູນຊ່ວຍຢ່າງມີປະສິດທິຜົນໃຫ້ແກ່ການພັດທະນາບັນດາ SME ແລະ TBI ຢູ່ແຕ່ລະປະເທດ ແລະ ເພີ່ມທະວີການເຊື່ອມຕໍ່ບັນດາ SME ແລະ TBI ໃນພາກພື້ນ. ກອງປະຊຸມສຳມະນາໄດ້ແບ່ງປັນບັນດາບົດຮຽນກ່ຽວກັບຮູບແບບ TBI ຂອງບັນດາປະເທດສະມາຊິກ, ພິເສດແມ່ນສິ່ງທີ່ ຍີ່ປຸ່ນໄດ້ຜັນຂະຫຍາຍໃນຂົງເຂດພັດທະນາ SME ແລະ TBI. ບັນດາຜູ້ແທນເຂົ້າຮ່ວມກອງປະຊຸມສຳມະນາ ໄດ້ແລກປ່ຽນກ່ຽວກັບບັນດາໂຄງການເຄື່ອນໄຫວຂອງເຄືອຂ່າຍ TBI ອາຊຽນໃນອະນາຄົດ.