(vovworld) - ກຸ່ມເຮັດວຽກສະຫະສະມາຄົມບັນດາປະເທດອາຊີຕາເວັນອອກສ່ຽງໃຕ້ (Asean) ກ່ຽວກັບ “ ຂໍ້ລິເລີ່ມໃນການເຊື່ອມຕໍ່ ອາຊຽນ ໄລຍະທີ 2” (IAI) ຫາກໍ່ດໍາເນີນກອງປະຊູມຕີລາຄາການປະຕິບັດແຜນການການເຊື່ອມໂຍງເຂົ້າພາກພື້ນຂອງກຸ່ມ. ກອງປະຊູມໄດ້ຮັບຟັງລາຍງານ, ປຶກສາຫາລື, ພິຈາລະນາ ແລະ ຕີລາຄາບົດລາຍງານກ່ຽວກັບມາດຕະການດຳເນີນ ແລະ ໝາກຜົນ IAI ໂດຍບັນດານັກຊ່ຽວຊານສະຖາບັນແມ່ນ້ຳຂອງ ປະຕິບັດດ້ວຍການໜູນຊ່ວຍຂອງ ອົດສຕາລີ ຜ່ານໂຄງການຮ່ວມມືພັດທະນາ ອາຊຽນ - ອົດສຕາລີ (AADCP II); ແບ່ງປັນທັດສະນະກ່ຽວກັບບັນດາສິ່ງທ້າທາຍໃນການພັດທະນາຂອງບັນດາປະເທດສະມາຊິກ, ພິເສດແມ່ນບັນດາປະເທດ CLMV ( ກຳປູເຈຍ - ລາວ - ມຽນມາ - ຫວຽດນາມ). ກອງປະຊູມກໍ່ແລກປ່ຽນບັນດາມາດຕະການເພີ່ມທະວີສົມທົບກັນລະຫວ່າງກຸ່ມເຮັດວຽກຕ່າງໆຂອງ ອາຊຽນ, ເພື່ອຍົກສູງປະສິດທິຜົນການເຊື່ອມໂຍງ ແລະ ເພີ່ມທະວີການຕິດຕາມກວດກາບັນດາຂໍ້ລິເລີ່ມທີ່ກ່ຽວຂ້ອງກໍ່ຄືບັນດາໂຄງການໃນພາກພື້ນ, ພິເສດແມ່ນບັນດາປະເທດຄູ່ຮ່ວມມືຄູ່ເຈລະຈາ ແລະ ບັນດາອົງການສາກົນ.
ໃນຄວາມມານະພະຍາຍາມຊຸກຍູ້ເປົ້າໝາຍເຊື່ອມໂຍງຂອງກຸ່ມ, ບັນດາຜູ້ນຳ ອາຊຽນ ຢູ່ກອງປະຊູມຂັ້ນສູງ ອາຊຽນ 22 ປີ 2013 ໄດ້ຮັບຮອງເອົາແຜນການຕີລາຄາໄລຍະກາງສະໄໝ IAI, ເຊິ່ງຄາດວ່າຈະສຳເລັດໃນເດືອນ 4 ຈະມາເຖີງ, ເພື່ອລາຍງານຕໍ່ບັນດາຜູ້ນຳ ອາຊຽນ ຢູ່ກອງປະຊູມຂັ້ນສູງ ອາຊຽນ 24 ທີ່ Yangon ( ມຽນມາ) ໃນເດືອນ 5/2014.