ບັນດາຜູ້ແທນເຂົ້າຮ່ວມກອງປະຊຸມລັດຖະມົນຕີການເງິນ ອາຊີ - ເອີລົບ ຄັ້ງທີ 10
ພາບ:baohaiquan.vn
|
(vovworld) - ທ່ານ ກິດຕິຣັດ ນະຣານອງ ຮອງນາຍົກຯ ທັງເປັນລັດຖະມົນຕີກະຊວງການເງິນໄທ ໃຫ້ຮູ້ວ່າ: ບັນດາປະເທດ ອາຊຽນ ບໍ່ຄວນນຳໃຊ້ສະກຸນເງິນລວມ ເພື່ອຮັກສາຄວາມ ສາມາດຮັບມືຢ່າງມີໄຫວພິບກັບສະພາບເສດຖະກິດໂລກບໍ່ເປັນປົກກະຕິ. ຄຳເຫັນດັ່ງກ່າວໂດຍແມ່ນທ່ານກິດຕິຣັດ ນະຣານອງ ຍົກອອກເມື່ອຕອບສຳພາດຕໍ່ຂອງນັກຂ່າວຢູ່ກອງປະຊຸມລັດຖະມົນຕີການເງິນ ອາຊີ - ເອີລົບ ຄັ້ງທີ 10 ຊຶ່ງຈັດຂຶ້ນ ຢູ່ ບາງກອກປະເທດໄທ. ທ່ານ ກິດຕິຣັດ ນະຣານອງ ໃຫ້ຮູ້ວ່າ: ທ່ານໄດ້ພິຈາລະນາບັນດາການປຶກສາຫາລືກ່ຽວກັບການນຳໃຊ້ສະກຸນເງິນລວມລະຫວ່າງບັນດາປະເທດສະມາຊິກ ອາຊຽນ ແລະ ເຫັນວ່າ ປະຈຸບັນ ບໍ່ທັນຮອດເວລາເທື່ອ. ຕາມທ່ານ ກິດຕິຣັດ ນະຣານອງ ບົດຮຽນຖອດຖອນມາໄດ້ຈາກວິກິດການເສດຖະກິດປີ 1997 ໄດ້ເຮັດໃຫ້ຫລາຍປະເທດຢູ່ ອາຊີ ເຫັນໄດ້ຄວາມສຳຄັນຂອງສະກຸນເງິນພາຍໃນປະເທດໃນການຮັກສາຄວາມເປັນປົກກະຕິດ້ານເສດຖະກິດ ແລະ ການເງິນ.