ຄະນະຜູ້ແທນຫວຽດນາມ ຢູ່ກອງປະຊຸມ
(ພາບ:tapchitaichinh.vn)
(TTX)- ວັນທີ 27/9, ຢູ່ວຽງຈັນ, ລາວ, ໄດ້ຈັດກອງປະຊຸມລັດຖະມົນຕີກະສິກຳ-ປ່າໄມ້ສະຫະສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຄັ້ງທີ 34 (AMAF 34) ໂດຍມີການເຂົ້າຮ່ວມຂອງບັນດາປະເທດສະມາຊິກ ແລະ ຄະນະເລຂາອາຊຽນ. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ Bui Ba Bong ນຳໜ້າ. ກອງປະຊຸມສຸມໃສ່ກວດຄືນເນື້ອໃນທັງໝົດໃນຂອບເຂດ AMAF ອາຍຸການ 2011-2012 ແລະ ບັນດາການຮ່ວມມືໃນ AMAF+3 ຄັ້ງທີ 11, ປຶກສາຫາລືບັນດາບັນຫາກ່ຽວຂ້ອງຄ້ຳປະກັນສະບຽງອາຫານ, ການຜະລິດກະສິກຳແທດເໝາະກັບການປ່ຽນແປງຂອງດິນຟ້າອາກາດ, ການນຳໃຊ້ເຕັກໂນໂລຊີໃໝ່ສຳລັບຜະລິດຕະພັນກະເສດ, ສັດລ້ຽງ, ສິນໃນນ້ຳເພື່ອແນ່ໃສ່ເພີ່ມອິດທິພົນຊື່ສຽງ ແລະ ຄວາມສາມາດແກ່ງແຍ້ງຂອງຜະລິດຕະພັນກະເສດອາຊຽນ ໃນຕະຫຼາດພາກພື້ນ ແລະ ສາກົນ. ກອງປະຊຸມເຫັນດີເປັນເອກະສັນຈະເພີ່ມທະວີການຮ່ວມມືໃນບັນດາຂົງເຂດໃຫ້ບຸລິມະສິດ ເພື່ອແນໃສ່ປະກອບສ່ວນປົວແປງຊີວິດການເປັນຢູ່ຂອງຊາວກະສິກອນ ແລະ ຮັບປະກັນການຄ້ຳປະກັນດ້ານສະບຽບອາຫານໃນອາຊຽນ ແລະ ເຫັນດີເຫັນພ້ອມບັນດາການເຄື່ອນໄຫວຮ່ວມມືດ້ານປ່າໄມ້.