(vovworld) - ອາຊຽນ ແລະ ECO ເພີ່ມທະວີການຮ່ວມມື, ຊິ່ງດັ່ງກ່າວໄດ້ຖືກຍົກອອກມາພາຍຫຼັງກອງປະຊຸມລັດຖະມົນຕີອາຊຽນ ແລະ ອົງການຮ່ວມມືເສດຖະກິດ (ECO) ຄັ້ງທີ 13 ເຊິ່ງດຳເນີນໄປໃນຂອບເຂດກອງປະຊຸມສະມັດຊາໃຫຍ່ສະຫະປະຊາຊາດຄັ້ງທີ 68. ທີ່ກອງປະຊຸມ, ອາຊຽນ ແລະ ECO ໄດ້ແຈ້ງໃຫ້ກັນຊາບກ່ຽວກັບສະພາບການລວມ ແລະ ບັນດາການຜັນແປຫຼ້າສຸດໃນພາກພື້ນ, ຕີລາຄາການຮ່ວມມືລະຫວ່າງ 2 ຝ່າຍ, ແລກປ່ຽນທິດທາງໃນອະນາຄົດໃນການພົວພັນອາຊຽນ - ECO. ກອງປະຊຸມກໍ່ປຶກສາຫາລືຄວາມສາມາດປັບປຸງບົດບັນທຶກຊ່ວຍຈຳ (MoU) ເຊິ່ງຄະນະເລຂາອາຊຽນ ແລະ ECO ລົງນາມເມື່ອປີ 2006, ເພື່ອແນໃສ່ຕອບສະໜອງຄວາມຕ້ອງການຮ່ວມມືທີ່ນັບມື້ນັບເພີ່ມຂຶ້ນໃນບັນດາເຂດທີ່ຕ່າງຝ່າຍຕ່າງມີຜົນປະໂຫຍດ, ລວມທັງການບໍ່ຈຳກັດດ້ານການຄ້າ, ການລົງທຶນ ແລະ ທ່ອງທ່ຽວ. ບົນພື້ນຖານຄວາມຮັບຮູ້ບົດບາດສຳຄັນຂອງພາກເອກະຊົນໃນການຊຸກຍູ້ດ້ານການຄ້າ ແລະ ການລົງທຶນລະຫວ່າງພາກພື້ນ, ກອງປະຊຸມກໍ່ເນັ້ນໜັກເຖິງຄວາມຈຳເປັນຕ້ອງສ້າງເງື່ອນໄຂພົວພັນແລກປ່ຽນລະຫວ່າງພາກເອກະຊົນ ແລະ ວິສາຫະກິດໃຫ້ດີກວ່າອີກ.