ທ່ານ Marty Natalegawa
(ພາບ:vietnam.vn)
(vovworld)- ວັນທີ 11/4, ທ່ານ Marty Natalegawa ລັດຖະມົນຕີການຕ່າງປະເທດອິນໂດເນເຊຍ ໃຫ້ຮູ້ວ່າ: ບັນດາທ່ານລັດຖະມົນຕີການຕ່າງປະເທດອາຊຽນ ແລະ ຈີນ ຈະຈັດການປະຊຸມພິເສດເພື່ອແນໃສ່ຍູ້ໄວວິວັດທະນະການສ້າງປະມວນຫຼັກການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC). ກ່າວຄຳເຫັນກັບວົງການນັກຂ່າວທີ່ກອງປະຊຸມລັດຖະມົນຕີການຕ່າງປະເທດອາຊຽນ ຢູ່ບຣູໄນ, ທ່ານ Marty Natalegawa ໃຫ້ຮູ້ວ່າ: ການພົບປະຄັ້ງນີ້ໂດຍຝ່າຍຈີນ ສະເໜີ ແລະ ທຸກປະເທດອາຊຽນ ຕົກລົງຈະເຂົ້າຮ່ວມ.
ວັນທີ 11/4, ໃນໂອກາດອັດກອງປະຊຸມຂັ້ນລັດຖະມົນຕີການຕ່າງປະເທດອາຊຽນ ຢູ່ບຣູໄນ, ຕອບສຳພາດຕໍ່ວົງການນັກຂ່າວ, ທ່ານຟ້າມກວາງວິງ, ຮອງລັດຖະມົນຕີການຕ່າງປະເທດຫວຽດນາມ ຢືນຢັນວ່າ: ໄປຄຽງຄູ່ກັບການແລກປ່ຽນທິດທາງ ແລະ ຈຸດສຸມໃຫ້ບຸລິມະສິດຂອງອາຊຽນ ໃນປີນີ້, ກໍ່ຄືປຶກສາຫາລືກ່ຽວກັບບັນດາບັນຫາພາກພື້ນ ແລະ ສາກົນຕ່າງມີຄວາມສົນໃຈນັ້ນ, ບັນຫາທະເລຕາເວັນອອກແມ່ນເນື້ອໃນທີ່ບັນດາທ່ານລັດຖະມົນຕີການຕ່າງປະເທດໄດ້ສະຫງວນເວລາຫຼາຍເພື່ອປຶກສາຫາລືທີ່ກອງປະຊຸມຄັ້ງນີ້. ບັນດາທ່ານລັດຖະມົນ ຕີການຕ່າງປະເທດອາຊຽນ ໄດ້ເນັ້ນໜັກບັນດາທັດທະນະ ແລະ ຫຼັກການລວມຂອງອາຊຽນ ແລະ ເຫັນດີເຫັນພ້ອມ, ສະໜັບສະໜູນປະທານອາຊຽນ ບຣູໄນ ອອກແຈ້ງການໜັງສຶພິມກ່ຽວກັບບັນຫາທະເລຕາເວັນອອກ.
ທ່ານຮອງລັດຖະມົນຕີຟ້າມກວາງວິງ ຢືນຢັນວ່າ: ຫວຽດນາມ ແບ່ງປັນ ແລະ ຈະສົມທົບກັບປະທານບຣູໄນ, ປະເທດປະສານງານໄທ ແລະ ທຸກໆປະເທດອາຊຽນ ຢ່າງແໜ້ນແຟ້ນ, ຜ່ານນັ້ນ, ຮັບປະກັນສຽງເວົ້າລວມຂອງອາຊຽນ ແລະ ບົດບາດເປັນເຈົ້າພາທາງຂອງຕົນໄດ້ ກໍ່ຄືປະຕິບັດບັນດາຈຸດໝາຍ ແລະ ຫຼັກການລວມຂອງອາຊຽນ ກ່ຽວກັບທະເລຕາເວັນອອກຢ່າງມີປະສິດທິຜົນ, ໂດຍສະເພາະແມ່ນສະໜັບສະໜູນຖະແຫຼງການຂອງອາຊຽນ ລວມມີ 6 ຫຼັກການ.