ອາຊຽນ ແລະ ຈີນ ຊຸກຍູ້ການພົວພັນຄູ່ຮ່ວມມືຍຸດທະສາດ
ພາບປະກອບ ຈາກ ອິນເຕີເນັດ
(vovworld) – ວັນທີ 6/8, ຢູ່ສຳນັກງານຄະນະເລຂາອາຊຽນ ທີ່ນະຄອນຫຼວງ Jakata ປະເທດ ອິນໂດເນເຊຍ, ເອກອັກຄະລັດຖະທູດ - ຫົວໜ້າຄະນະຜູ້ຕາງໜ້າປະຈຳການ ຈີນ ປະຈຳ ອາຊຽນ ທ່ານນາງ ຢ່າງສຽວຜິງ ໄດ້ຢືນສານຕາຕັ້ງຕໍ່ ທ່ານເລຂາທິການໃຫຍ່ ອາຊຽນ Surin Pitsuwan, ເລີ່ມຕົ້ນປະຕິບັດໜ້ທີ່ໃນຖານະເປັນເອກອັກຄະລັດຖະທູດປະຈຳການຜູ້ທຳອິດຂອງຈີນ ຢູ່ ອາຊຽນ ຢ່າງເປັນທາງການ. ທີ່ພິທີຍື່ນສານຕາຕັ້ງ, ທ່ານເລຂາທິການໃຫຍ່ ອາຊຽນ Surin Pitsuwan ແລະ ທ່ານນາງເອກອັກຄະລັດຖະທູດ ຢ່າງສຽວຜິງ ໄດ້ປຶກສາຫາລື ກ່ຽວກັບການພົວພັນຮ່ວມມື ອາຊຽນ - ຈີນ, ໃຫ້ຄຳໝັ້ນສັນຍາສົມທົບກັນຢ່າງແໜ້ນແຟ້ນເພື່ອແນໃສ່ເພີ່ມທະວີການພົວພັນຄູ່ຮ່ວມມືຍຸດທະສາດລະຫວ່າງ 2 ຝ່າຍ. ທ່ານນາງ ຢ່າງສຽວຜິງ ສະແດງຄວາມເປັນກຽດທີ່ໄດ້ເປັນເອກອັກຄະລັດຖະທູດປະຈຳການຜູ້ທຳອິດຂອງຈີນ ປະຈຳ ອາຊຽນ, ພ້ອມທັງເນັ້ນໜັກວ່າ ຄະນະຂອງ ຈີນ “ຈະປະຕິບັດໜ້າທີ່ເປັນຂົວເຊື່ອມຕໍພົວພັນ, ສຳພັນຮ່ວມມື, ເປັນທູດຂອງນ້ຳໃຈມິດຕະພາບ, ເພື່ອແນໃສ່ຊຸກຍູ້ການພົວພັນຄູ່ຮ່ວມມືຍຸດທະສາດ ອາຊຽນ - ຈີນ ຂຶ້ນສູ່ລະດັບສູງໃໝ່”. ທ່ານເລຂາທິການໃຫຍ່ ອາຊຽນ Surin Pitsuwan ໃຫ້ຮູ້ວ່າ: ອາຊຽນ ປາດຖະໜາຢາກສົງເສີມ ຈີນ ເພີ່ມທະວີການລົງທຶນເຂົ້າ ອາຊຽນ, ບົນພື້ນຖານທ່າເຕີບໂຕຢ່າງຕັ້ງໜ້າ ກ່ຽວກັບວົງເງິນການຄ້າລະຫວ່າງ ອາຊຽນ ແລະ ຈີນ ຄວນລົງທຶນໂດຍກົງເຂົ້າບັນດາປະເທດສະມາຊິກອາຊຽນ.