ຄະນະຜູ້ແທນຫວຽດນາມ ເຂົ້າຮ່ວມອາຊຽນ +3
(ພາບ: vietnamplus.vn)
(vovworld) - ວັນທີ 28/9, ຢູ່ນະຄອນຫຼວງວຽງຈັນ ໄດ້ດຳເນີນກອງປະຊຸມລັດຖະມົນຕີກະສີກຳປ່າໄມ້ອາຊຽນ + 3 ຄັ້ງທີ 12, ເຊິ່ງລວມມີຜູ້ແທນ 150 ທ່ານ ທີ່ມາຈາກບັນດາປະເທດສະມາຊິກອາຊຽນ ແລະ 3 ປະເທດຄື: ຈີນ, ສເກົາຫຼີ, ຍີ່ປຸ່ນ.. ກ່າວຄວາມເຫັນໄຂກອງປະຊຸມ, ທ່ານທອງສິງທຳມະວົງ ນາຍົກລັດຖະມົນຕີລາວໄດ້ເນັກໜັກວ່າ, ບັນຫາຂາດທັນຍາຫານ, ສະບຽງອາຫານ, ຄວາມທຸກຍາກ, ໄພທຳມະຊາດ, ການປ່ຽນແປງຂອງດິນຟ້າອາກາດ, ການຄຳ້ປະກັນສະບຽງອາຫານ, ໂລກລະບາດ… ຍັງຄົງແມ່ນບັນຫາທີ່ປະສົບກັບຄວາມຫຍຸ້ງຍາກ ແລະ ການທ້າທາຍສຳຫຼັບບັນດາປະເທດໃນພາກພື້ນ ແລະ ໃນໂລກ. ໃນປີຜ່ານມາ, ເສດຖະກິດຂອງອາຊຽນ ໄດ້ຮັບການຟື້ນຟູຢ່າງບໍ່ຢຸດຢັ້ງ, ແຕ່ລະດັບເຕີບໂຕບໍ່ທັນສູງປານໃດ, ດັ່ງນັ້ນບັນດາປະເທດອາຊຽນ ຄວນມີນະໂຍບາຍ ແລະ ຂໍ້ກຳນົດຢ່າງເໝາະສົມຢູ່ແຕ່ລະປະເທດ ແລະ ມີການຮ່ວມມືຢ່າງມີປະສິດທິຜົນ ເພື່ອຮັບປະກັນເສດຖະກິດຂອງອາຊຽນ ໃຫ້ພັດທະນາຢ່າງໝັ້ນຄົງ. ອາຊຽນ ຄວນມີມາດຕະການຄຸ້ມຄອງ ເພື່ອປົກປັກຮັກສາແຫຼ່ງຊັບພະຍາກອນ, ສິ່ງແວດລ້ອມ, ຄ້ຳປະກັນສະບຽງອາຫານຢ່າງໝັ້ນຄົງ. ທ່ານນາຍົກລັດຖະ ມົນຕີລາວ ສະແດງຄວາມເຊື່ອໝັ້ນວ່າກອງປະຊຸມລັດຖະມົນຕີກະສີກຳປ່າໄມ້ອາຊຽນ + 3 ຄັ້ງທີ 12 ຈະສືບຕໍ່ປະກອບສ່ວນເຮັດໃຫ້ອາຊຽນມີຄວາມສາມັກຄີ ແລະ ໝັ້ນຄົງເຂັ້ມແຂງກວ່າອີກ.