(vovworld) - ວັນທີ 12/08, ຢູ່ນະຄອນຫຼວງວຽງຈັນ, ປະເທດລາວ, ພາຍໃຕ້ການເປັນປະທານຂອງທ່ານ ອາລຸນແກ້ວ ກິດຕິຄຸນ, ລັດຖະມົນຕີປະຈຳສຳນັກງານນາຍົກລັດຖະມົນຕີ, ຫົວໜ້າ SOM ASEAN ຂອງລາວ, ບັນດາເຈົ້າໜ້າທີ່ຂັ້ນສູງອາຊຽນ ໄດ້ຈັດກອງປະຊຸມທາບທາມຄຳເຫັນລວມ ເພື່ອກະກຽມໃຫ້ກອງປະຊຸມສຸດຍອດອາຊຽນ ຄັ້ງທີ 28 – 29 ເຊິ່ງຖືກດຳເນີນໃນຕົ້ນເດືອນ 09 ທີ່ຈະມາເຖິງ ຢູ່ນະຄອນຫຼວງວຽງຈັນ. ເຂົ້າຮ່ວມກອງປະຊຸມມີຫົວໜ້າ SOM ທີ່ມາຈາກ 10 ປະເທດສະມາຊິກອາຊຽນ; ບັນດາເຈົ້າໜ້າທີ່ຂັ້ນສູງຮັບຜິດຊອບເສົ້າຄ້ຳປະຊາຄົມເສດຖະກິດ, ວັດທະນະທຳ ແລະ ສັງຄົມ, ບັນດາຮອງເລຂາທິການໃຫຍ່ອາຊຽນ ຮັບຜິດຊອບ 3 ເສົ້າຄ້ຳປະຊາຊົນອາຊຽນ ແລະ ບັນດາຫົວໜ້າຜູ້ຕາງໜ້າປະຈຳອາຊຽນ. ກອງປະຊຸມໄດ້ທາບທາມຄຳເຫັນລວມເພື່ອກະກຽມໃຫ້ກອງປະຊຸມສຸດຍອດອາຊຽນ ຄັ້ງທີ 28 – 29; ກອງປະຊຸມສຸດຍອດ ອາຊຽນ - ຈີນ, ອາຊຽນ - ຍີ່ປຸ່ນ ຄັ້ງທີ 19, ອາຊຽນ - ສ.ເກົາຫຼີ ຄັ້ງທີ 18, ອາຊຽນ +3 ຄັ້ງທີ 19…