(vovworld) - ກອງປະຊຸມສຳມະນາ “ເຊື່ອມໂຍງຂົງເຂດບໍລິການຢູ່ບັນດາປະເທດອາຊຽນ: ຄວາມກ້າວໜ້າ ແລະ ສິ່ງທ້າທາຍ” ຖືກໄຂຂຶ້ນໃນວັນທີ 18/06, ຢູ່ຈາກາກຕາ, ປະເທດອິນໂດເນເຊຍ. ກອງປະຊຸມດຳເນີນໄປເປັນເວລາ 2 ວັນ, ສຸມໃສ່ປຶກສາຫລືບັນດາບັນຫາການຄ້າ ໃນຂົງເຂດການບໍລິການ ລະຫວ່າງບັນດານັກວາງແຜນນະໂຍບາຍ ແລະ ຝ່າຍກ່ຽວຂ້ອງ ເພື່ອແນໃສ່ແບ່ງປັນຄວາມເຂົ້າອົກເຂົ້າໃຈເຊິ່ງກັນ ແລະ ກັນກ່ຽວກັບທ່າອ່ຽງພັດທະນາ ແລະ ສິ່ງທ້າທາຍຫາກໍ່ພົ້ນເດັ່ນຂຶ້ນ ສຳລັບການສະສົມບັນດາການບໍລິການໃນພາກພື້ນ.
ເວທີປາໄສໄດ້ຮັບການຈັດຕັ້ງຂຶ້ນເພື່ອແນໃສ່ຊຸກຍູ້ຂໍ້ຕົກລົງອາຊຽນ (AFAS) ກ່ຽວກັບການບໍລິການ, ການຄົ້ນຄວ້າບັນດາບັນຫາຄື ລະບົບຄູນຄ່າທົ່ວໂລກ ແລະ ຮ່ວມມືຄຸ້ມຄອງ. ປະຕິບັດ AFAS ແນໃສ່ຍົກເລີກສິ່ງຈຳກັດດ້ານການຄ້າລະຫວ່າງບັນດາປະເທດອາຊຽນ ເພື່ອຍົກສູງປະສິດທິຜົນ ແລະ ກຳລັງແກ່ງແຍ້ງຂອງບັນດາຜູ້ສະໜອງການບໍລິການອາຊຽນ.