ອາຊຽນຕ້ອງສະແດງໃຫ້ເຫັນທັດສະນະລວມແລະມີຄວາມຮັບຜິດຊອບຕໍ່ບັນດາບັນຫາຢູ່ພາກພື້ນ
(ພາບປະກອບ)
(vovworld) – ອາຊຽນ ຕ້ອງສະແດງໃຫ້ເຫັນທັດສະນະລວມ ແລະ ມີຄວາມຮັບຜິດຊອບຕໍ່ບັນດາບັນຫາຢູ່ພາກພື້ນ. ສິ່ງດັ່ງກ່າວໂດຍລັດຖະມົນຕີວ່າການກະຊວງການຕ່າງປະເທດຫວຽດນາມ ແລະ ສິງຄະໂປ ເນັ້ນໜັກທີ່ວາລະທາບທາມຄວາມເຫັນດ້ານການເມືອງ ຄັ້ງທີ 9 ແລະ ງານພົບປະແລກປ່ຽນລະຫວ່າງ 2 ກະຊວງການຕ່າງປະເທດ ຖືກດຳເນີນໄປໃນວັນທີ 17/08, ຢູ່ຮ່າໂນ້ຍ. ທີ່ບັນດາການພົບປະ, 2 ຝ່າຍໄດ້ເຫັນດີຊຸກຍູ້ການພົວພັນຮ່ວມມືລະຫວ່າງ 2 ປະເທດກວ່າອີກ ແລະ ຍູ້ແຮງການເຊື່ອມຕໍ່ 2 ພື້ນຖານເສດຖະກິດ, ສົ່ງເສີມບັນດາວິສາຫະກິດ 2 ປະເທດຮ່ວມມືລົງທຶນ, ຊຸດຍູ້ການຄ້າ 2 ຝ່າຍ ແລະ ສືບຕໍ່ຍູ້ແຮງການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ການສຶກສາ, ການທ່ອງທ່ຽວ ແລະ ໃນຂົງເຂດອື່ນໆອີກ.
ກ່ຽວກັບການຮ່ວມມືໃນອາຊຽນ ແລະ ບັນຫາທະເລຕາເວັນອອກ, 2 ຝ່າຍຢືນຢັນ ສືບຕໍ່ສົມທົບກັນ ແລະ ມານະພະຍາຍາມພ້ອມກັບບັນດາປະເທດໃນອາຊຽນ ອື່ນ ສ້າງຕັ້ງປະຊາຄົມ, ຍົກສູງຄວາມສາມັກຄີ ແລະ ເສີມຂະຫຍາຍບົດບາດໃຈກາງຂອງອາຊຽນ ໃນການຮ່ວມມືພາກພື້ນ ແລະໃນໂຄງປະກອບພາກພື້ນທີ່ພວມສ້າງຕັ້ງ. 2 ຝ່າຍເນັ້ນໜັກວ່າ: ອາຊຽນ ຕ້ອງສະແດງໃຫ້ເຫັນທັດສະນະລວມ ແລະ ມີຄວາມຮັບຜິດຊອບຕໍ່ບັນດາບັນຫາສຳຄັນຢູ່ພາກພື້ນ, ໃນນັ້ນມີບັນຫາທະເລຕາເວັນອອກ ແລະ ຕ້ອງບັນລຸໄດ້ປະມວນຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ (COC) ໂດຍໄວ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ພາກພື້ນ. ສິງກະໂປ ຢືນຢັນວ່າ, ໃນບົດບາດເປັນຜູ້ປະສານງານ (2015 - 2018) ຈະມານະພະຍາຍາມຊຸຸກຍູ້ການຮ່ວມມືລະຫວ່າງອາຊຽນ ແລະ ຈີນ. ວາລະທາບທາມຄວາມເຫັນດ້ານການເມືອງ ຄັ້ງທີ 10 ລະຫວ່າງຫວຽດນາມ - ສິງຄະໂປ ຈະດຳເນີນໄປຢູ່ສິງກະໂປ ໃນປີ 2016.