ອາຊຽນມີກົນໄກຖືກຕ້ອງເພື່ອແກ້ໄຂຄວາມຂັດແຍ້ງກັນບົນທະເລ
ຫົວໜ້າຄະນະເລຂາແຫ່ງຊາດອາຊຽນ - ມາເລເຊຍ
Muhammad Shahrul Ikram Yaakob
(ພາບ: sabahkini.com)
(vovworld) - ວັນທີ 10/6, ຫົວໜ້າຄະນະເລຂາແຫ່ງຊາດອາຊຽນ - ມາເລເຊຍ, Muhammad Shahrul Ikram Yaakob ໃຫ້ຮູ້ວ່າ. ອາຊຽນເຊື່ອໝັ້ນວ່າຈະມີກົນໄກຢ່າງຖືກຕ້ອງເພື່ອແກ້ໄຂຄວາມຂັດແຍ້ງກັນຢູ່ທະເລຕາເວັນອອກ. ກ່າວຄວາມເຫັນພາຍຫຼັງກອງປະຊຸມເຈົ້າໜ້າທີ່ຂັ້ນສູງອາຊຽນ (ຊອມ - ອາຊຽນ) ແລະບັນດາກອງປະຊຸມກ່ຽວຂ້ອງ, ທ່ານ Ikram Yaakobຖະແຫຼງວ່າ, ທຸກຝ່າຍທີ່ກ່ຽວຂ້ອງ, ໃນນັ້ນມີຈີນ, ໄດ້ໃຫ້ຄຳໝັ້ນສັນຍາຊອກຫາມາດຕະການແກ້ໄຂບັນຫາທະເລຕາເວັນອອກ. ເຈົ້າໜ້າທີ່ຜູ້ນີ້ກ່າວວ່າ: “ຄວາມຄືບໜ້າຕົ້ນຕໍຂອງການປຶກສາຫາລືນັ້ນແມ່ນ ອາຊຽນ ແລະ ຈີນ ຈະສືບຕໍ່ເຮັດວຽກດ້ວຍລັກສະນະສ້າງສັນ, ແລະ ຈະພ້ອມກັນແກ້ໄຂບາງບັນຫາກ່ຽວຂ້ອງເຖິງທະເລຕາເວັນອອກ. ປະຈຸບັນພວກຂ້າພະເຈົ້າມີກົນໄກພິຈາລະນາພາຍໃຕ້ຮູບການເອກະສານ“, ພ້ອມທັງເນັ້ນໜັກວ່າ “ສິ່ງສຳຄັນໃຫ້ທຸກຝ່າຍແມ່ນເຫັນດີແກ້ໄຂຄວາມຂັດແຍ້ງກັນໂດຍສັນຕິວິທີ ແລະ ເໝາະສົມກັບກົດໝາຍສາກົນ“