ປະທານາທິບໍດີ B.Obama
ພາບ:Reuters
|
(vovworld)-ທີ່ກອງປະຊຸມສຸດຍອດ ອາຊຽນ - ອາເມລິກາ, ປະທານາທິບໍດີB.Obama ເນັ້ນຫນັກວ່າ: ອາຊຽນ ສວມບົດບາດຫລັກແຫລ່ງສຳລັບ ອາເມລິກາ ໃນຍຸດທະສາດສ້າງຄວາມດຸ່ນດ່ຽງຄືນໃຫມ່ຢູ່ ອາຊີ ແລະ ອາເມລິກາຈະສົມທົບກັບບັນດາຝ່າຍເພື່ອຮັບປະກັນວ່າ ບັນດາການປະທະກັນຢູ່ທະເລຕາເວັນອອກຈະໄດ້ຮັບການແກ້ໄຂໂດຍສັນຕິ. ປະທານາທິບໍດີB.Obama ຖືວ່າ ການນຳ ອາເມລິກາ ເຂົ້າຮ່ວມກອງປະຊຸມຄັ້ງນີ້ ແມ່ນສະແດງໃຫ້ເຫັນຄວາມສຳຄັນນັບມື້ນັບເພີ່ມຂຶ້ນຂອງ ອາຊຽນ ແລະ ພາກພື້ນ. ຕາມທ່ານ ປະທານາທິບໍດີB.Obama ແລ້ວ, ອາຊຽນ ພວມສວມບົດບາດຫລັກໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງຢູ່ພາກພື້ນກໍຄືສະຖຽນລະພາບທົ່ວໂລກ. ອາເມລິກາ ແລະ ອາຊຽນ ແມ່ນບັນດາຄູ່ຮ່ວມມືສຳຄັນຂອງກັນ ແລະ ອາເມລິກາ ປາດຖະຫນາຢາກສືບຕໍ່ຊຸກຍູ້ການຮ່ວມມືພ້ອມກັບ ອາຊຽນ ເພື່ອອະນາຄົດສັນຕິພາບ ແລະ ວັດທະນາຖາວອນໃນໂລກ. ປະທານາທິບໍດີB.Obama ກໍປາດຖະຫນາຢາກຮ່ວມມືກັບອາຊຽນກວ່າອີກ ໃນຂົງເຂດການປ່ຽນແປງຂອງດິນຟ້າອາກາດ, ເສດຖະກິດ, ກ້າວໄປເຖິງພື້ນຖານເສດຖະກິດໂປ່ງໃສກວ່າ, ມີຄວາມດຸ່ນດ່ຽງລະຫວ່າງການພັດທະນາແລະ ປົກປັກຮັກສາສິ່ງແວດລ້ອມ.