ພາບປະກອບ: baoquocte.vn

ເນື່ອງໃນໂອກາດສະເຫຼີມສະຫຼອງ 53 ປີແຫ່ງວັນສ້າງຕັ້ງ ອາຊຽນ (ວັນທີ 8 ສິງຫາ 1967 – 8 ສິງຫາ 2020), ວັນທີ 8 ສິງຫາ, ຕາມຂໍ້ສະເໜີຂອງຫວຽດນາມ, ໃນຖານະຕຳແໜ່ງເປັນປະທານອາຊຽນປີ 2020 ແລະ ອິນໂດເນເຊຍ, ບັນດາລັດຖະມົນຕີກະຊວງການຕ່າງປະເທດອາຊຽນ ໄດ້ອອກຖະແຫຼງການຮ່ວມກ່ຽວກັບຄວາມສຳຄັນຂອງການຮັກສາສັນຕິພາບ ແລະ ສະຖຽນລະພາບໃນພາກພື້ນ ອາຊີຕາເວັນອອກສ່ຽງໃຕ້. ບັນດາລັດຖະມົນຕີກະຊວງການຕ່າງປະເທດ ໄດ້ຢັ້ງຢືນຄືນໃໝ່ຢ່າງແຮງຄຳໝັ້ນສັນຍາໃນການຮັກສາພາກພື້ນອາຊີຕາເວັນອອກສ່ຽງໃຕ້ທີ່ມີສັນຕິພາບ, ຄວາມໝັ້ນຄົງ, ເປັນ ກາງ ແລະ ມີສະຖຽນລະພາບ, ພ້ອມທັງປັບປຸງບັນດາຄູນຄ່າສັນຕິພາບບົນພື້ນຖານກົດໝາຍສາກົນ. ບັນດາລັດຖະມົນຕີກະຊວງການຕ່າງປະເທດອາຊຽນ ໄດ້ຮຽກຮ້ອງໃຫ້ທຸກໆປະເທດມີຄວາມລະງັບໃຈ, ບໍ່ມີບັນດາການກະທຳທີ່ເຮັດໃຫ້ສະພາບການສັບສົນຂຶ້ນຕື່ມ ຫຼື ຄວາມຂັດແຍ້ງກັນປີນຂັ້ນໄດ, ສ້າງຜົນກະທົບຕໍ່ສັນຕິພາບ ແລະ ຄວາມໝັ້ນຄົງ, ບໍ່ນຳໃຊ້ ຫຼື ນາບຂູ່ນຳໃຊ້ກຳລັງແຮງ, ແກ້ໄຂຄວາມຂັດແຍ້ງກັນໂດຍສັນຕິວິທີບົນພື້ນຖານກົດໝາຍສາກົນ. ບັນດາລັດຖະມົນຕີກະຊວງການຕ່າງປະເທດກໍ່ຮຽກຮ້ອງໃຫ້ບັນດາປະເທດສືບຕໍ່ເພີ່ມທະວີຄວາມໄວ້ເນື້ອເຊື່ອໃຈຍຸດທະສາດ ແລະ ຄວາມໄວ້ເນື້ອເຊື່ອໃຈເຊິ່ງກັນແລະ ກັນ ຜ່ານການເຈລະຈາ, ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.

ໃນການພົວພັນທາງການທູດ, ອາຊຽນ ສົ່ງເສີມບັນດາຄູ່ຮ່ວມມືສືບຕໍ່ຕັ້ງໜ້າເຂົ້າຮ່ວມ, ປະກອບສ່ວນເຂົ້າບັນດາຂອບເຂດ, ກົນໄກຮ່ວມມືໂດຍອາຊຽນນຳພາ. ຢູ່ລະດັບທົ່ວໂລກ, ອາຊຽນຢັ້ງຢືນຄືນຄຳໝັ້ນສັນຍາສະໜັບສະໜູນລັດທິຫຼາຍຝ່າຍໂດຍອີງໃສ່ບັນດາຫຼັກການຂອງກົດບັດ ສປຊ ແລະ ກົດໝາຍສາກົນ.

ນີ້ແມ່ນຄັ້ງທຳອິດ ບັນດາລັດຖະມົນຕີກະຊວງການຕ່າງປະເທດ ອາຊຽນ ອອກຖະແຫຼງການຮ່ວມກ່ຽວກັບຫົວເລື່ອງສັນຕິພາບ ແລະ ຄວາມໝັ້ນຄົງ ພາກພື້ນ ໃນວັນສະເຫຼີມສະຫຼອງ ການສ້າງຕັ້ງ ອາຊຽນ.