ຄະນະຜູ້ແທນຫວຽດນາມເຂົ້າຮ່ວມກອງປະຊຸມ
ພາບ:internet
|
(vovworld)- ພາຍຫລັງພິທີໄຂໃນວັນທີ 17/9, ກອງປະຊຸມຂັ້ນລັດຖະມົນຕີບັນດາປະເທດອາຊຽນ ກ່ຽວກັບການປ້ອງກັນ ແລະ ຕ້ານອາດຊະຍາກຳຂ້າມຊາດຄັ້ງທີ 9 ໄດ້ດຳເນີນວາລະປະຊຸມຢ່າງເປັນທາງການ. ກອງປະຊຸມໄດ້ສຳຫລວດກວດຄືນ, ຕີລາຄາຄືນບັນດາຄຳໝັ້ນສັນຍາຂອງບັນດາປະເທດອາຊຽນກ່ຽວກັບການປ້ອງກັນ ແລະ ຕ້ານອາດຊະຍາກຳ, ໃນນັ້ນ ມີ 8 ຂົງເຂດຊື່ງບັນດາປະເທດອາຊຽນພວມສົນໃຈ. ບັນດາຜູ້ແທນກໍໄດ້ຕີລາຄາກ່ຽວກັບການແລກປ່ຽນຂໍ້ມູນຂ່າວສານລະຫວ່າງບັນດາປະເທດໃນປະຊາຄົມອາຊຽນ, ຫນູນຊ່ວຍເຊິ່ງກັນ ແລະກັນໃນການສ້າງກອບກົດໝາຍ, ພິເສດແມ່ນສ້າງບັນດາສົນທິສັນຍາຂອງອາຊຽນກ່ຽວກັບການປ້ອງກັນ ແລະ ຕ້ານອາດຊະຍາກຳ ແລະ ແຜນການດຳເນີນງານແຕ່ປີ 2013 ຮອດປີ 2015 ເພື່ອຄວາມໝັ້ນຄົງຂອງປະຊາຄົມອາຊຽນ. ກ່າວຄຳເຫັນທີ່ກອງປະຊຸມ, ທ່ານພົນເອກ ເຈີນດ້າຍກວາງ ຫົວຫນ້າຄະນະຜູ້ແທນຫວຽດນາມ,ລັດຖະມົນຕີກະຊວງຕຳຫລວດຫວຽດນາມ ໄດ້ສະເຫນີເພີ່ມທະວີການຮ່ວມມືລະຫວ່າງບັນດາອົງການປະຕິບັດກົດໝາຍຂອງບັນດາປະເທດໃນພາກພື້ນ ແລະ ໃນໂລກກວ່າອີກ, ພ້ອມທັງສືບຕໍ່ເສີມຂະຫຍາຍກຳລັງແຮງພາຍໃນຂອງແຕ່ລະປະເທດ ກໍຄືພາຍໃນກຸ່ມອາຊຽນ ແລະ ຍາດແຍ່ງການຫນູນຊ່ວຍຂອງບັນດາຄູ່ເຈລະຈາເພື່ອຜັນຂະຫຍາຍບັນດາໂຄງການ, ແຜນການ ອາຊຽນກ່ຽວກັບການປ້ອງກັນ ແລະ ຕ້ານອາດຊະຍາກຳຢ່າງມີປະສິດທິຜົນ.
ທີ່ວາລະປະຊຸມ, ກອງປະຊຸມໄດ້ຮັບຮອງເອົາຖະແຫລງການຮ່ວມ, ໃນນັ້ນ ຢືນຢັນເພີ່ມທະວີການຮ່ວມມືປ້ອງກັນ ແລະ ຕ້ານອາດຊະຍາກຳຂ້າມຊາດເພ່ືອສະຖຽນລະພາບ ແລະ ການພັດທະນາໃນພາກພື້ນ ແລະ ໃນໂລກ.