(vovworld) – ວັນທີ 12/5, ທ່ານນາຍົກລັດຖະມົນຕີ ສິງກາໂປ ຫຼີຊຽນຫຼົງ ໄດ້ຊົມເຊີຍຖະແຫຼງການຮ່ວມຂອງບັນດາລັດຖະມົນຕີການຕ່າງປະເທດ ອາຊຽນ ກ່ຽວກັບສະພາບການຮ້າຍແຮງໃນປະຈຸບັນຢູ່ທະເລຕາເວັນອອກ. ທ່ານນາຍົກລັດຖະມົນຕີ ຫຼີຊຽນຫຼົງ ຊີ້ແຈ້ງວ່າ: ເຖິງວ່າ ຈີນ ຖືບັນດາການປະທະກັນຢູ່ທະເລຕາເວັນອອກແມ່ນບັນຫາ 2 ຝ່າຍ ລະຫວ່າງ ຈີນ ແລະ ບັນດາປະເທດທີ່ກ່ຽວຂ້ອງກໍ່ຕາມ, ແຕ່ທັດສະນະສະເໝີຕົ້ນສະເໝີປາຍຂອງ ສິງກາໂປ ແລະ ບັນດາປະເທດ ອາຊຽນ ພັດຢືນຢັນວ່າ: ຄວາມສະຫງົບ ແລະ ສະຖຽນລະພາບຂອງພາກພື້ນແມ່ນອີງໃສ່ທຸກສິ່ງທຸກຢ່າງທີ່ເກີດຂຶ້ນຢູ່ເຂດທະເລນີ້, ດັ່ງນັ້ນ ອາຊຽນ ຕ້ອງມີທັດສະນະກ່ຽວກັບສະພາບການໃນປະຈຸບັນຢູ່ທະເລຕາເວັນອອກ. ຕາມທັດສະນະນີ້, ກ່າວຄຳເຫັນຕໍ່ສື່ມວນຊົນເມື່ອໄປຮອດ ອາເມລິກາ, ທ່ານລັດຖະມົນຕີການຕ່າງປະເທດ ສິງກາໂປ Sanmugam, ຢືນຢັນວ່າ:
“ລັດຖະມົນຕີການຕ່າງປະເທດບັນດາປະເທດ ອາຊຽນ ໄດ້ອອກຖະແຫຼງການກ່ຽວກັບບັນດາບັນຫາພາກພື້ນ ແລະ ທະເລຕາເວັນອອກ. ພວກຂ້າພະເຈົ້າບໍ່ຢາກປະໃຫ້ສະພາບມີຄວາມເຄັ່ງຕຶງ, ພວກຂ້າພະເຈົ້າຢາກຊຸກຍູ້ການສ້າງຂໍ້ກຳນົດກ່ຽວກັບການປະພຶດ. ພວກຂ້າພະເຈົ້າຢາກໃຫ້ບັນດາຝ່າຍກ່ຽວຂ້ອງແກ້ໄຂການພິດພາດຕາມວິທີສາມາດຮັບຮູ້ໄດ້.”
ຢູ່ ອິນເດຍ, ນັກຮຽນຮູ້ Vinod Anand, ນັກຊ່ຽວຊານຂັ້ນສູງຢູ່ກອງທຶນສາກົນ Vivekananda ຢູ່ New Delhi, ຢືນຢັນ ການກະທຳຂອງ ຈີນ ບໍ່ພຽງແຕ່ລະເມີດອະທິປະໄຕຂອງ ຫວຽດນາມ ເທົ່ານັ້ນ, ຫາກຍັງລະເມີດບັນດາຂໍ້ມາດຕາຂອງສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS) ອີກດ້ວຍ. ທ່ານ Vinod Anand ຊີ້ແຈ້ງວ່າ: ເລື່ອງ ຈີນ ນຳຮ້ານເຈາະນ້ຳມັນ ພ້ອມກັບກຳ່ປັນແລະ ເຮືອບິນປ້ອງກັນຫຼາຍລຳເຂົ້າທະເລ ຫວຽດນາມ ແມ່ນການກະທຳກະຫາຍສົງຄາມ, ແນໃສ່ຍູ້ແຮງບັນດາຄຳຮຽກສິດອະທິປະໄຕຢູ່ທະເລຕາເວັນອອກຢ່າງຈະແຈ້ງ. ຕາມທ່ານ Vinod Anand ແລ້ວ, ບັນດາປະເທດ ອາຊຽນ ຄວນຮັດແໜ້ນກຸ່ມກ້ອນສາມັກຄີ, ພ້ອມກັບປະຊາຄົມໂລກຮຽກຮ້ອງໃຫ້ ຈີນ ເຂົ້າຮ່ວມປະມວນຂໍ້ກຳນົດການປະພຶດຢູ່ທະເລຕາເວັນອອກ (COC). ທ່ານກໍ່ເນັ້ນໜັກວ່າ: ຕ້ອງແກ້ໄຂການພິດພາດດ້ວຍສັນຕິວິທີ, ການກະທຳຂອງ ຈີນ ພຽງແຕ່ເພີ່ມຄວາມເຄັ່ງຕຶງ, ສົ່ງຜົນສະທ້ອນຢ່າງຍໍ້ທໍ້ເຖິງສັນຕິພາບ ແລະ ສະຖຽນລະພາບຢູ່ພາກພື້ນເທົ່ານັ້ນ.
ຫາງສຽງສາກົນຕີລາຄາສູງເລື່ອງອາຊຽນອອກຖະແຫຼງການກ່ຽວກັບບັນຫາທະເລຕາເວັນອອກ
ເລື່່ອງ ອາຊຽນ ອອກຖະແຫຼງການກ່ຽວກັບບັນຫາທະເລຕາເວັນອອກ ທີ່ກອງປະຊຸມສຸດຍອດຄັ້ງທີ 24 ຫາກໍ່ຈັດຕັ້ງຂຶ້ນຢູ່ນະຄອນຫຼວງ Nay Pyi Taw, ປະເທດ ມຽນມາ, ໄດ້ຮັບການຕີລາຄາສູງຈາກບັນດາການນຳ, ນັກຊ່ຽວຊານ, ນັກຮຽນຮູ້ ແລະ ສື່ມວນຊົນສາກົນ. ທີ່ Manila, ທ່ານປະທານາທິບໍດີ ຟິລິບປິນ Benigno Aquino ໃຫ້ຮູ້ວ່າ: ທ່ານມີຄວາມເພິງພໍໃຈຍ້ອນຄວາມເຫັນດີເຫັນພ້ອມຂອງບັນດາການນຳ ອາຊຽນ ແລະ ຖະແຫຼງການຮ່ວມ. ທ່ານປະທານາທິບໍດີ ອິນໂດເນເຊຍ Susilo Bambang Yudhoyono ແບ່ງປັນກັບທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູ້ງວ່າ: ອິນໂດເນເຊຍ ອາດຈະເປັນປະເທດປະສານງານຕິດຕໍ່ພົວພັນລະຫວ່າງ ຮ່າໂນ້ຍ ແລະ ບັກກິ່ງ ເພື່ອແກ້ໄຂບັນຫາ, ບໍ່ປະໃຫ້ຄວາມເຄັ່ງຕຶງປິນຂັ້ນໄດ.
ໃນຂະນະນັ້ນ, ບັນດານັກຊ່ຽວຊານເນັ້ນໜັກວ່າ: ນີ້ເປັນຄັ້ງທຳອິດຫຼັກໝັ້ນລວມທີ່ແຂງກະດ້າງກ່ຽວກັບສະພາບການເຄັ່ງຕຶງຢູ່ທະເລຕາເວັນອອກໄດ້ຍົກອອກມາ. ຖະແຫຼງການສະເພາະກ່ຽວກັບທະເລຕາເວັນອອກ ມີຄວາມໝາຍສຳຄັນ ຍ້ອນວ່າມັນສະແດງການສະໜັບສະໜູນທີ່ມີຕໍ່ ຫວຽດນາມ.