ທ່ານນາຍົກລັດຖະມົນຕີ ການາດາStephen Harper
ພາບ:nld.com.vn
|
(vovworld)- ວັນທີ 2/7 ຢູ່ ສິງກະໂປ ໄດ້ດຳເນີນກອງປະຊຸມສົນທະນາ ອາຊຽນ-ການາດາຄັ້ງທີ 11. ບັນດາຜູ້ແທນເຂົ້າຮ່ວມກອງປະຊຸມສົນທະນາ ໄດ້ສຸມໃສ່ພິຈາລະນາ, ຕີລາຄາຄວາມຄືບຫນ້າການຜັນຂະຫຍາຍແຜນການດຳເນີນງານ ອາຊຽນ -ການາດາ 2010-2015 ເພື່ອປະຕິບັດຖະແຫລງການຮ່ວມ ເພີ່ມທະວີການພົວພັນຄູ່ຮ່ວມມື ອາຊຽນ - ການາດາ ໃນ 3 ເສົາຄຳ້ຄື: ການເມືອງ-ການປ້ອງກັນຄວາມສະຫງົບ, ວັດທະນະທຳ-ສັງຄົມ ແລະ ເສດຖະກິດ ກໍຄືການຮ່ວມມືພັດທະນາ. ກອງປະຊຸມໄດ້ປຶກສາຫາລືກ່ຽວກັບວິທີການ ແລະ ມາດຕະການ ເພື່ອປັບປຸງ ແລະ ເພີ່ມທະວີການຮ່ວມມື ອາຊຽນ-ການາດາ ໃນຫລາຍຂົງເຂດ, ໃນນັ້ນ ມີບັນຫາ: ຕ້ານການກໍ່ການຮ້າຍ, ອາດຊະຍາກຳຂ້າມຊາດ, ຄວາມໝັ້ນຄົງການເດີນທະເລ, ສິດທິມະນຸດ, ການຄ້າ,ການລົງທຶນດ, ວິສາຫະກິດຂະຫນາດກາງ ແລະ ນ້ອຍ, ພະລັງງານສະອາດ ແລະ ໝັ້ນຄົງ.
ທີ່ກອງປະຊຸມ, ການາດາຢືນຢັນ ຊົມເຊີຍບົດບາດໃຈກາງຂອງອາຊຽນ ໃນການສ້າງໂຄງປະກອບພາກພື້ນ ແລະ ປາດຖະຫນາຢາກຮ່ວມມືກັບ ອາຊຽນ ແລະ ບັນດາປະເທດສະມາຊິກ ເພື່ອເພີ່ມທະວີບັນດາກົນໄກພາກພື້ນຂອງ ອາຊຽນກວ່າອີກ.