(vovworld) - ເພື່ອແນໃສ່ໜູນຊ່ວຍວິວັດການເຊື່ອມໂຍງເຂົ້າກັບເສດຖະກິດ ແລະ ກໍ່ສ້າງປະຊາຄົມເສດຖະກິດອາຊຽນ (ຫຼື AEC) ລະຫວ່າງບັນດາສະມາຊິກອາຊຽນ, ພິເສດແມ່ນໃນຂົງເຂດປົກປ້ອງຜູ້ອຸປະໂພກ ບໍລະໂພກ, ຄະນະກຳມະການປົກປ້ອງຜູ້ອຸປະໂພກ ບໍລະໂພກ ອາຊຽນ (ຫຼື ACCP) ໄດ້ໃຫ້ຄຳໝັ້ນສັນຍາຊຸກຍູ້ການປົກປ້ອງ ແລະ ຈະຍົກອອກບັນດາຂໍ້ລິເລີ່ມມຸ້ງໄປເຖິງການປັບປຸງສະຫວັດດີການຂອງຜູ້ອຸປະໂພກ ບໍລິໂພກ.
ແຈ້ງຂ່າວຂອງຄະນະເລຂາອາຊຽນເມືອວັນທີ 3/4 ໃຫ້ຮູ້ວ່າ: ຄະນະກຳມະການປົກປ້ອງຜູ້ອຸປະໂພກ ບໍລິໂພກອາຊຽນໄດ້ ແນະນຳ “ໃບປີວຮ້ອງທຸກຜູ້ອຸປະໂພກ ບໍລິໂພກ ອາຊຽນ” ທີ່ສະໜອງບັນດາຂໍ້ມູນກ່ຽວກັບໂທລະສັບສາຍດ່ວນ ແລະ ບັນດາ ສະຖານທີ່ຕິດຕໍພົວພັນໃນບັນດາສະມາຊິກອາຊຽນທັງໝົດ ໃຫ້ແກ່ການຮ້ອງທຸກຂອງຜູ້ອຸປະໂພກ ບໍລິໂພກ, ເພື່ອຮັບປະກັນຄວາມຮັບຮູ້, ຄວາມເຂົ້າໃຈ ແລະ ເຜິຍແຜ່ຂໍ້ມູນດີທີ່ສຸດໃຫ້ຜູ້ອຸປະໂພກ ບໍລິໂພກ ອາຊຽນ ແລະ ບັນດາປະເທດນອກພາກພື້ນ. ທ່ານ Mahani Tam Abdullah, ຮອງເລຂາທິການໃຫຍ່ອາຊຽນ, ປະທານຄະນະກຳມະການປົກປ້ອງຜູ້ອຸປະໂພກ ບໍລິໂພກ ອາຊຽນ ໃຫ້ຮູ້ວ່າ: ເອກະສານສະໜອງຂໍ້ມູນໄດ້ຈຳໜ່າຍ ແລະ ແຈກຢາຍໃນພາບດຽວໃຫ້ 10 ປະເທດສະມາຊິກອາຊຽນ, ແມ່ນໜຶ່ງໃນບັນດາຄວາມມານະພະຍາຍາມຂອງຄະນະກຳມະການປົກປ້ອງຜູ້ອຸປະໂພກ ບໍລິໂພກ ອາຊຽນໃນການປົກປ້ອງ ຜູ້ອຸປະໂພກ ບໍລິໂພກໃນພາກພື້ນອາຊຽນໃຫ້ດີກ່ວາອີກ ແລະ ຈະໄດ້ນຳເຂົ້າກົນໄກປົກປ້ອງຜູ້ອຸປະໂພກ ບໍລິໂພກໃນປະຈຸບັນ ຢູ່ບັນດາປະເທດສະມາຊິກ ອາຊຽນ.