ປະທານສະພາແຫ່ງຊາດ ຫງວຽນຊິງຮູ່ງ
(ພາບ: Nhan Sáng/TTXVN)
|
(vovworld) – ອາຍຸການສະພາແຫ່ງຊາດຊຸດທີ 13 - ສາມັກຄີ, ພູມປັນຍາ ແລະ ປ່ຽນໃຫມ່ຢ່າງແທດຈິງ - ນີ້ແມ່ນການຢັ້ງຢືນຂອງທ່ານປະທານສະພາແຫ່ງຊາດ ຫງວຽນຊິງຮູ່ງ ເມື່ອຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ ເນື່ອງໃນໂອກາດບຸນປີໃໝ່ປີວອກ 2016. ທ່ານປະທານສະພາແຫ່ງຊາດ ຫງວຽນຊິງຮູ່ງ, ໃຫ້ຮູ້ວ່າ: ອາຍຸການສະພາແຫ່ງຊາດຊຸດທີ 13 ແມ່ນການສືບທອດ, ເຊື່ອມຕໍ່ຜົນສຳເລັດ, ບົດຮຽນຂອງສະພາແຫ່ງຊາດຊຸດກ່ອນໆ, ດ້ວຍປະຫວັດສາດອັນໃຫຍ່ຫຼວງ ແມ່ນການສະເຫຼີມສະຫຼອງ 70 ປີແຫ່ງວັນເລືອກຕັ້ງທົ່ວປະເທດຄັ້ງທຳອິດ, ເລືອກຕັ້ງສະພາແຫ່ງຊາດ ຫວຽດນາມ. ສ້າງຂີດໝາຍອັນໃຫຍ່ຫຼວງຂອງສະພາແຫ່ງຊາດຊຸດທີ 13 ແມ່ນນຳ້ໃຈສາມັກຄີ, ນັ້ນກໍແມ່ນພື້ນຖານສຳຄັນເພື່ອເຕົ້າໂຮມ, ເສີມຂະຫຍາຍພູມປັນຍາຂອງບັນດາສະມາຊິກສະພາແຫ່ງຊາດ.
ສະພາແຫ່ງຊາດຊຸດທີ 13 ໄດ້ປະກາດໃຊ້ມະຕິສຳຄັນຫຼາຍສະບັບ, ຕັດສິນການພັດທະນາເສດຖະກິດ - ສັງຄົມປະເທດຊາດຕາມທິດສຸມໃສ່ສ້າງໂຄງປະກອບພື້ນຖານເສດຖະກິດກ່ຽວກັບທຸກດ້ານເພື່ອຍົກສູງຄຸນນະພາບ ແລະ ວາງອອກບັນດາຄາດໝາຍສຳຄັນເພື່ອເປັນເສົາຄຳ້ພັດທະນາ. ສະພາແຫ່ງຊາດກໍປະຕິບັດສິດຕິດຕາມກວດກາຂອງຕົນເພື່ອວາງອອກບັນດາຄຳຮຽກຮ້ອງຕໍ່ລັດຖະບານ, ສຳລັບລະບົບອຳນາດການປົກຄອງໃນທົ່ວປະເທດ. ການເຄື່ອນໄຫວຕິດຕາມກວດກາ, ຕົກລົງບັນດາບັນຫາສຳຄັນຂອງປະເທດຊາດໃນອາຍຸການໄດ້ສ້າງການຫັນປ່ຽນຢ່າງແຮງໃນທົ່ວທັງລະບົບກົງຈັກແຫ່ງລັດ ຈາກສູນກາງລົງຮອດທ້ອງຖິ່ນ.