ໂຮງງານອາຍແກັດຢູ່ອານເຊຣີ
ບ່ອນດຳເນີນເຫດການລອບຈັບຕົວປະກັນ
(ພາບ:vnexpress.net)
(vovworld):ວັນທີ 17/1, ສື່ມວນຊົນອານເຊຣີ ໃຫ້ຮູ້ວ່າ, ພົນລະເມືອງປະເທດນີ້ 30 ຄົນ ແລະ ຊາວຕ່າງປະເທດ 15 ຄົນທີ່ຖືກບັນດາມືປືນຊາວມຸດສະລິມຫົວຮຸນແຮງຈັບຕົວຂຸມຂັງຢູ່ບໍ່ອາຍແກດແຫ່ງໜຶ່ງໃນທາງທິດຕາເວັນອອກສ່ຽງໃຕ້ອານເຊຣີ ໄດ້ລົບໜີອອກຈາກກຸ່ມລອບຈັບຕົວ. ໃນຂະນະນັ້ນ, ບັນດາເຮືອບິນເອລີກອບແຕຂອງກອງທັບອານເຊຣີ ໄດ້ດຳເນີນການບຸກໂຈມຕີເຂດບໍ່ອາຍແກດ In Amenas ຊື່ງແມ່ນແຫ່ງຂຸມຂັງຕົວປະກັນຊາວຕ່າງປະເທດ 41 ຄົນເຮັດໃຫ້ບາງຄົນຖືກບາດເຈັບ, ໃນນັ້ນມີພົນລະເມືອງຍີ່ປຸ່ນ 2 ຄົນ. ສຳນັກຂ່າວສານ ANI ຂອງ Moritani ໄດ້ຄັດສະເໜີຄຳເວົ້າຂອງສະມາຊິກຜູ້ໜຶ່ງໃນກຸ່ມລອບຈັບຕົວ ໂດຍເວົ້າວ່າ: ການບຸກໂຕມຕີທາງອາກາດຂອງກອງທັບໄດ້ເຮັດໃຫ້ຕົວປະກັນ 34 ຄົນ ແລະ ຜູ້ລອບຈັບຕົວ 14 ຄົນເສຍຊີວິດ ແຕ່ຂ່າວດັ່ງກ່າວບໍ່ທັນໄດ້ຮັບການພິສູດເທື່ອ. ກຸ່ມລອບຈັບຕົວກໍ່ປະກາດວ່າຈະເຂັ່ນຂ້າບັນດາຕົວປະກັນຖ້າຫາກວ່າກອງທັບອານເຊຣີ ສືບຕໍ່ບຸກໂຈມຕີທາງອາກາດເຂົ້າບໍ່ອາຍແກດ In Amenas. ໃນຂະນະນັ້ນ, ກະຊວງພາຍໃນອານເຊຣີ ປະກາດວ່າ: ລັດຖະບານປະເທດນີ້ຈະບໍ່ເຈລະຈາກັບ “ບັນດາພາກສ່ວນກໍ່ການຮ້າຍ“.