( vovworld ) – ໃນສະພາບການທີ່ຫາກໍ່ເກີດເຫດອະນາຈານກ່ຽວຂ້ອງເຖິງທະຫານອາເມລິກາ ຢູ່ອາບການິດສະຖານ, ວັນທີ 19/4, ທ່ານປະທານາທິບໍດີອາບການິດສະຖານ Hamid Karzai ໄດ້ຮຽກຮ້ອງກຳລັງຕ່າງປະເທດໂດຍ NATO ນຳໜ້າມອບໂອນບັນດາສິດຄວບຄຸມຄວາມສະຫງົບປອດໄພໃຫ້ແກ່ບັນດາກຳລັງອາບການິດສະຖານໂດຍໄວ. ໃນຄຳຖະແຫຼງຈາກຫ້ອງວ່າການປະທານາທິບໍດີ, ທ່ານ Karzai ໄດ້ເນັ້ນໜັກວ່າ ວິທີໜື່ງດຽວເພື່ອຢຸດຕິບັນດາເຫດອະນາຈານແມ່ນຕ້ອງປະຕິບັດການມອບໂອນບັນດາໜ້າທີ່ຮັບຜິດຊອບຄວາມສະຫງົບປອດໄພ“ ຮອບດ້ານ, ວ່ອງໄວ ” ໃຫ້ແກ່ບັນດາກຳລັງຂອງອາບການິດສະຖານ. ເຫດອານາຈານທີ່ເສື່ອມເສຍໃໝ່ຫຼ້າສຸດແມ່ນຮູບຖ່າຍທະຫານອາເມລິກາ ແອັກທ່າຢູ່ຂ້າງສົບເຊິ່ງຖືວ່າແມ່ນບັນດາພວກວາງລະເບີດສະຫຼະຊີບຊາວອາບການິດສະຖານ ເມື່ອປີ 2010. ບັນດາຮູບຖ່າຍດັ່ງກ່າວຖືກລົງພິມໃນໝັງສືພິມ “ Los Angeles Times ” ຂອງອາເມລິກາ ສະບັບອອກວັນທີ 18/4 ປີ 2012. ທ່ານປະທານນາທິບໍດີ Karzai ໄດ້ຕຳນິຕິຕຽນວ່າ ນີ້ແມ່ນການກະທຳທີ່ເປັນບາບກຳ ແລະ ເກາະຜິດ, ພ້ອມກັນນັ້ນກໍ່ໃສ່ໃຈວ່າບັນດາເຫດການຄືດັ່ງກ່າວໃນໄລຍະຜ່ານມາໄດ້ພາໃຫ້ເກີດປະຕິກິລິຍາຕອບໂຕ້ຢ່າງຮຸນແຮງຈາກປະຊາຊົນອາບການິດສະຖານ.