ທ່ານປະທານາທິບໍດີ ອາບການນີສະຖານ Hamid Karzai
(ພາບ:giaoduc.net.vn)
(vovworld) - ລັດທິກໍ່ການຮ້າຍແມ່ນສັນຕູໂຕດຽວຂອງອາບການນີສະຖານ ແລະ ປາກີສະຖານ ແລະ ອຳນດາການປົກຄອງກາບຸນ ປາດຖະໜາວ່າຈະໄດ້ຮັບການຮ່ວມມືໃນການຕໍ່ສູ້ຕ້ານກໍ່ການຮ້າຍຈາກອິດສະລາມາບາດ. ທ່ານປະທານາທິບໍດີ ອາບການນີສະຖານ Hamid Karzai ໄດ້ປະກາດຄືດັ່ງກ່າວເມື່ອວັນທີ 4/3 ໃນການປະຊຸມຂ່າວຮ່ວມກັບທ່ານ Anders Fogh Rasmussen ເລຂາທິການໃຫ່ຍອົງການນາໂຕ ຊື່ງພວມຢູ່ຢ້ຽມຢາມປະເທດນີ້. ຕາມທ່ານປະທານາທິບໍດີ ອາບການນີສະຖານ Hamid Karzai ແລ້ວ, ປາກີສະຖານ ກໍ່ພວມຮັບມືກັບບັນດາການບຸກໂຈມຕີຂອງລັດທິກໍ່ການຮ້າຍ, ພົ້ນເດັ່ນແມ່ນການບຸກໂຈມຕີອັນນອງເລືອດຢູ່ Quetta ແລະ Karachi. ສ່ວນທ່ານ Rasmussen ຜູ້ນຳອົງການນາໂຕຢືນຢັນຈະຮຽງບ່າຮຽງໄລ່ກັບອາການີສະຖານ ຫຼັງປີ 2014 ຂະນະທີ່ບັນດາກຳລັງຂອງນາໂຕ ຖອນອອກຈາກປະເທດອາຊີຕາເວັນຕົກສ່ຽງໃຕ້ນີ້ໃນປີ 2014. ຄຽງຄູ່ກັນນັ້ນ, ທ່ານ Rasmussen ຍັງຮຽກຮ້ອງໃຫ້ລັດຖະບານອາບການີສະຖານ ຕ້ອງຮັບປະກັນລັກສະນະຈະແຈ້ງໃນການເລືອກຕັ້ງປະທານາທິບໍດີໃນປີ 2014 ຍ້ອນວ່ານີ້ແມ່ນໂອກາດເພື່ອໃຫ້ຊາວອາບການີສະຖານ ເລືອກເຟັ້ນອະນາຄົດຂອງຕົນ.