ອາຟະລິກາໃຕ້ແມ່ນຄູ່ຮ່ວມມືແຖວໜ້າຂອງຫວຽດນາມຢູ່ອາຟະລິກາ
ທ່ານປະທານປະເທດ ເຈິ່ນດ້າຍກວາງ
(vovworld) - ຕອນບ່າຍວັນທີ 4/10, ຢູ່ ຮ່າໂນ້ຍ, ທ່ານປະທານປະເທດເຈິ່ນດ້າຍກວາງ ໄດ້ໃຫ້ການຕ້ອນຮັບທ່ານຮອງປະທານາທິບໍດີ ສ. ອາຟະລິກາໃຕ້ Cyril Ramaphos, ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານປະທານປະເທດເຈິ່ນດ້າຍກວາງ ຢືນຢັນວ່າ: ຫວຽດນາມຖື ອາຟະລິກາໃຕ້ ແມ່ນຄູ່ຮ່ວມມືແຖວໜ້າຢູ່ອາຟະລິກາ ແລະ ປາຖະໜາຢາກພັດທະນາການຮ່ວມມືໃນທຸກຂົງເຂດເພື່ອສົມກັບຂອບເຂດ “ຄູ່ຮ່ວມມືເພື່ອການຮ່ວມມື ແລະ ພັດທະນາ“ ລະຫວ່າງສອງປະເທດ. ທ່ານປະທານປະເທດ ສະເໜີ ອາຟະລິກາໃຕ້ ສືບຕໍ່ສະໜັບສະໜູນສະຖານທູດຂອງ ຫວຽດນາມ, ທູດພິເສດຂອງປະທານປະເທດອອກສະໝັກຮັບເລືອກຕັ້ງເປັນຜູ້ອຳນວຍການໃຫຍ່ UNESCO ອາຍຸການ 2017-2021 ແລະ ສະໜັບສະໜູນ ຫວຽດນາມ ອອກສະໝັກຮັບເລືອກຕັ້ງເປັນກຳມະການບໍ່ປະຈຳການຂອງສະພາຄວາມໝັ້ນຄົງສະຫະປະຊາຊາດ, ອາຍຸການ 2020-2021. ທ່ານປະທານຫວັງວ່າ, ບັນດາວິສາຫະກິດ ອາຟະລິກາໃຕ້ ເພີ່ມທະວີການສົ່ງຄະນະມາສຳຫຼວດຕະຫຼາດ ຫວຽດນາມ, ຄົ້ນຄ້ວາຄວາມສາມາດລົງທຶນຢູ່ ຫວຽດນາມ. ທ່ານປະທານປະເທດ ກໍ່ສະເໜີ ອາຟະລິກາໃຕ້ ແບ່ງປັນບົດຮຽນໃນການເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ, ສືບຕໍ່ກໍ່ສ້າງດ້ານພາສາອັງກິດ ໃຫ້ພະນັກງານ ຫວຽດນາມ. ພິເສດແມ່ນໃນການຮ່ວມມືສາກົນ, ສອງປະເທດຄວນເພີ່ມທະວີການຮ່ວມມືຄຸ້ມຄອງ ແລະ ຂຸດຄົ້ນຊັບພະຍາກອນທະເລ, ແບ່ງປັນບົດຮຽນ ແລະ ຖ່າຍທອດເຕັກໂນໂລຢີ, ເຊິ່ງແມ່ນຂົງເຂດເຊິ່ງ ອາຟະລິກາໃຕ້ ມີທ່າແຮງ.
ສ່ວນທ່ານຮອງປະທານາທິບໍດີ ອາຟະລິກາໃຕ້ ກໍ່ປາຖະໜາວ່າ, ຫວຽດນາມ ຈະໜູນຊ່ວຍ ອາຟະລິກາໃຕ້ ໃນເຕັກໂນໂລຢີຕໍ່ກຳ່ປັ່ນ, ຂົນສົ່ງທາງທະເລ ແລະ ລ້ຽງສັດນຳ້, ສັດທະເລ. ທ່ານຮອງປະທານາທິບໍດີ ອາຟະລິກາໃຕ້ ກໍ່ຢືນຢັນວ່າ, ອາຟະລິກາໃຕ້ ຈະສືບຕໍ່ສະໜັບສະໜູນ ຫວຽດນາມຢູ່ບັນດາເວທີປາໄສສາກົນ, ພິເສດແມ່ນຢູ່ສະຫະປະຊາຊາດ.