(vovworld) – ວັນທີ 19/5, ກະຊວງສາທາລະນະສຸກ ອາຣັບບີຊະອຸດິ ໄດ້ຢັ້ງຢືນມີ 6 ກໍລະນີຕິດພະຍາດໄໝ່ ແລະ 4 ກໍລະນີເສຍຊີວິດຍ້ອນໄວຣັດ ກໍ່ໃຫ້ເກີດອາການພະຍາດລະບົບຫາຍໃຈຮຸນແຮງເຂດຕາເວັນອອກກາງ (MERS), ອັນໄດ້ຍົກຍອດຈຳນວນກໍລະນີຕິດພະຍາດດັ່ງກ່າວຢູ່ປະເທດນີ້ຂຶ້ນເຖິງ 537 ຄົນ, ໃນນັ້ນມີ 173 ຄົນເສຍຊີວິດ. ບັນດາປະເທດອື່ນຄື: ອີຢິບ, ຈໍແດນ, ລີບັງ, ໂຮນລັງ, ສະຫະລັດ ອາຣັບ ເອມີເລັດ (UAE) ແລະ ອາເມລິກາ ກໍ່ລ້ວນແຕ່ຢັ້ງຢືນມີກໍລະນີຕິດພະຍາດໃໝ່, ຜູ້ຕິດພະຍາດສ່ວນຫຼາຍແມ່ນຜູ້ໄປທ່ອງທ່ຽວຢູ່ ອາຣັບບີຊະອຸດິ ໃນໄລຍະມໍ່ໆມານີ້. MERS ໄດ້ກໍ່ໃຫ້ເກີດອາກາດຕ່າງໆຄື: ເປັນໄຂ້, ໄອ, ຫາຍໃຈຍາກ, ອັກເສບປອດ ແລະ ໄດ້ຮັບຖືວ່າມີສ່ວນກ່ຽວຂ້ອງເຖິງ ໄວຣັດ SARS ເຄີຍເຮັດໃຫ້ກ່ວາ 8.000 ຄົນຕິດແປດພະຍາດ ແລະ 9% ໃນຈຳນວນນັ້ນເສຍຊີວິດຢູ່ພາກພື້ນ ອາຊີເມື່ອປີ 2003. ເຖິງວ່າຈຳນວນຜູ້ຖືກຕິດ ໄວຣັດ ດັ່ງກ່າວໜ້ອຍພໍສົມຄວນກໍ່ຕາມ, ແຕ່ອັດຕາຜູ້ເສຍຊີວິດຂຶ້ນເຖິງ 30% ຢູ່ ຕາເວັນອອກກາງ ເຮັດໃຫ້ວົງການນັກວິທະຍາສາດ ແລະ ເຈົ້າໜ້າທີ່ມີຄວາມວິຕົກວັງວົນ.