ພິທີມອບຮັບຮູບເຄິ່ງຄີງປະທານໂຮ່ຈິມີນ
ພາບ:baotintuc.vn
|
(vovworld)- ວັນທີ 11/10, ນັກສິລະປີນ ຊາວຝລັ່ງ, ເຊື້ອຊາດ ອານເຊຣີ, ທ່ານ BoutadJine Mustapha ໄດ້ມອບໃຫ້ສະຖານທູດຫວຽດນາມ ປະຈຳ ຝລັ່ງ ຮູບເຄິ່ງຄິງ ຂອງປະທານໂຮ່ຈິມີນ ໄດ້ຮັບການປະຕິບັດດ້ວຍສີລະປະຈີກ ແລະ ຕິດເຈ້ຍ. ຮູບດັ່ງກ່າວໂດຍນັກສິລະປິນ ຊາວ ຝລັ່ງ ເຊື້ອຊາດ ອານເຊຣີ ປະຕິບັດໃນເວລາກວ່າ 1 ເດືອນເຄິ່ງ ແລະ ສຳເລັດກ່ອນນີ້ 2 ປີ ແລະ ຮູບນີ້ໄດ້ເຂົ້າຮ່ວມງານວາງສະແດງສິລະປະຢູ່ຫລາຍແຫ່ງໃນໂລກ.
ນັກສິລະປິນ BoutadJine Mustapha ສະແດງຄວາມເຄົາລົບນັບຖືທ່ານປະທານໂຮ່ຈິມີນ, ຜູ້ນຳທີ່ຍິ່ງໃຫຍ່ບໍ່ພຽງແຕ່ຂອງຊາດຫວຽດນາມເທົ່ານັ້ນ ຫາກຂອງທັງຂະບວນການຕໍ່ສູ້ຍາດເອກະລາດຊົນຊາດຢູ່ຫລາຍປະເທດອີກດ້ວຍ ,ໃນນັ້ນ ມີປະເທດ ອານເຊຣີ. ທ່ານ BoutadJine Mustapha ໃຫ້ຮູ້ວ່າ:
“ຂ້າພະເຈົ້າເຮັດຮູບເຄິ່ງຄີງປະທານໂຮ່ຈິມີນ ເພື່ອຢາກສະແດງໃຫ້ເຫັນຈິດໃຈຂອງປະທານໂຮ່ຈິມີນ, ຜູ້ນຳທີ່ຍິ່ງໃຫຍ່ຂອງຫວຽດນາມ ພ້ອມທັງສະແດງໃຫ້ເຫັນກຳລັງແຮງຂອງຊາດ. ຂ້າພະເຈົ້າມີຄວາມເຄົາລົບນັບຖືປະທານໂຮ່ຈິມີນ, ເພີ່ນແມ່ນສັນຍາລັກຂອງການປະຕິວັດສາກົນ. ຂ້າພະເຈົ້າແມ່ນຊາວຝລັ່ງແຕ່ເຊື້ອຊາດ ອານເຊຣີ ແລະ ໄຊຊະນະຂອງຊາດຫວຽດນາມ ໄດ້ສ້າງກຳລັງຫນູນໃຫ້ແກ່ການຕໍ່ສູ້ຍາດເອົາເອກະລາດຂອງອານເຊຣີ.”
ທູຍເວີນ, ນັກຂ່າວ VOV ປະຈຳ ຝລັ່ງ