ທ່ານປະທານາທິບໍດີ ອາເມລິກາ Joe Biden (ພາບ: CNN)

ອາເມລິກາ ຈະຊື້ວັກຊິນກັນໂຄວິດ - 19 ຂອງ Pfizer ຕື່ມອີກ 500 ລ້ານໂດສ ເພື່ອໜູນຊ່ວຍໃຫ້ບັນດາປະເທດທີ່ມີລາຍຮັບຕ່ຳ. ການກະທຳຂອງ ອາເມລິກາ ໄດ້ດຳເນີນພາຍຫຼັງທີ່ການນຳຫຼາຍທ່ານໃນໂລກ ໄດ້ຮຽກຮ້ອງໃຫ້ ອາເມລິກາ ມີການກະທຳຫຼາຍກ່ວາອີກ ເພື່ອແນໃສ່ຊຸກຍູ້ອັດຕາການສັກວັກຊິນໃນທົ່ວໂລກ.

ທ່ານປະທານາທິບໍດີ Joe Biden ປະກາດແຜນການນີ້ ຢູ່ກອງປະຊຸມ ໂຄວິດ - 19 ແບບທາງໄກໂດຍທ່ານເປັນປະທານ ຢູ່ທຳນຽບຂາວ ທີ່ຈັດຂຶ້ນໃນວັນທີ 22 ກັນຍາ. ນະທີ່ນີ້, ທ່ານປະທານາທິບໍດີ Joe Biden ຮຽກຮ້ອງໃຫ້ບັນດາປະເທດ ຈົ່ງປະກອບສ່ວນເພື່ອແນໃສ່ປະຕິບັດເປົ້າໝາຍ 70% ປະຊາກອນໂລກໄດ້ສັກວັກຊິນກັນໂຄວິດ - 19 ກ່ອນເດືອນກັນຍາຂອງປີ 2022. ທ່ານປະທານາທິບໍດີ Biden ກໍ່ຄາດຄະເນວ່າຈະຮຽກຮ້ອງໃຫ້ປະເທດອື່ນໆ ຕອບສະໜອງຄວາມຕ້ອງການຂອງບັນດາຜູ້ຕິດເຊື້ອພະຍາດໂຄວິດ - 19 ຄື ປັບປຸງແຫຼ່ງສະໜອງອົກຊີ ແລະ ກຳລັງຄວາມສາມາດໃນການວິໄຈຫາເຊື້ອຂອງບັນດາປະເທດທຸກຍາກ.