ທຳນຽບ 5 ແຈ ອາເມລິກາ (ພາບ:  AFP/TTXVN)

 ວັນທີ 10 ພະຈິກ, ກະຊວງປ້ອງກັນປະເທດ ອາເມລິກາ ປະກາດບ້ວງເງິນໜູນຊ່ວຍການທະຫານທີ່ມີມູນຄ່າ 400 ລ້ານ USD ໃຫ້ແກ່ຢູແກຼນ, ໃນນັ້ນມີບັນດາລະບົບປ້ອງກັນອາກາດ ແລະ ລູກສອນໄຟໜ້າດິນຕ້ານເທິງອາກາດ. ກ່າວຄຳເຫັນຕໍ່ວົງການນັກຂ່າວ, ທ່ານນາງ Sabrina Singh ຮອງເລຂາທິການການສື່ສານ ທຳນຽບ 5 ແຈ ຢັ້ງຢືນວ່າ ບ້ວງເງິນໜູນຊ່ວຍການທະຫານໃໝ່ຂອງ ອາເມລິກາ ຈະລວມມີ 4 ກຸ່ມປະສົມປ້ອງກັນອາກາດ ລະດັບຕ່ຳ ແລະ ມີຄວາມສາມາດຜັນຂະຫຍາຍໄວ້ Avenger, ກໍ່ຄືບັນດາລູກສອນໄພ Stinger ທີ່ນຳໃຊ້ໃຫ້ແກ່ 4 ກຸ່ມປະສົມນີ້. ນີ້ເປັນຄັ້ງທຳອິດ ວໍຊິງຕັນ ສະໜອງ ລະບົບປ້ອງກັນອາກາດ Avengerໃຫ້ Kiev. ດ້ວຍບ້ວງເງິນໜູນຊ່ວຍໃໝ່ນີ້, ໄດ້ຍົກຍອດງົບປະມານໜູນຊ່ວຍຄວາມໝັ້ນຄົງຂອງ ອາເມລິກາ ທີ່ສະຫງວນໃຫ້ ຢູແກຼນ ນັບແຕ່ເດືອນ ກຸມພາ ປີ 2022 ຂຶ້ນເຖິງ 18,6 ຕື້ USD.