ອາເມລິກາ ຫວັງວ່າ ຊູແອັດ ຈະເຂົ້າເປັນສະມາຊິກ NATO ໂດຍໄວ
(VOVWORLD) - ວັນທີ 9 ກໍລະກົດ, ທ່ານປະທານາທິບໍດີ ອາເມລິກາ Joe Biden ໄດ້ໂອ້ລົມທາງໂທສັບກັບທ່ານປະທານາທິບໍດີ ຕວັກກີ Recep Tayyip Erdogan ກ່ອນກອງປະຊຸມສຸດຍອດຂອງອົງການສົນທິສັນຍາອັດລັງຕິກເໜືອ (NATO) ໃນວັນທີ 11 – 12 ກໍລະກົດຢູ່ Vilnius, ປະເທດລິດວາ.
ປະທານາທິບໍດີ ສອງທ່ານໄດ້ປຶກສາຫາລືກ່ຽວກັບຫຼາຍບັນຫາເຊິ່ງອາດຈະໄດ້ຮັບການຄິດໄລ່ຊັ່ງຊາໃນກອງປະຊຸມສຸດຍອດ NATO, ສະແດງຄຳໝັ້ນສັນຍາວ່າ ຈະສືບຕໍ່ສະໜັບສະໜູນ ຢູແກຼນ ແລະ ປັບປຸງການພົວພັນສອງຝ່າຍ. ທ່ານປະທານາທິບໍດີ Joe Biden ສະແດງຄວາມຫວັງວ່າ ຊູແອັດ ຈະເຂົ້າເປັນສະມາຊິກ NATO ໃນເວລາໄວທີ່ສຸດ. ເນື້ອໃນການປຶກສາຫາລືກໍລວມທັງການມອບເຮືອບິນສູ້ຮົບ F- 16 ໃຫ້ແກ້ ຕວັກກີ ກໍຄື ຄວາມມານະພະຍາຍາມເຂົ້າເປັນສະມາຊິກ NATO ຂອງ ຢູແກຼນ.
ຊູແອັດ ບໍ່ສາມາດເກ້ຍກ່ອມໃຫ້ ຕວັກກີ ປະລະການຂັດຂວາງຄວາມມານະພະຍາຍາມເຂົ້າເປັນສະມາຊິກ NATO ໄດ້ເມື່ອທ່ານລັດຖະມົນຕີການຕ່າງປະເທດສອງປະເທດ ພົບປະກັນໃນວັນພະຫັດອາທິດກ່ອນ. NATO ຈະຮຽກໂຮມການພົບປະລະຫວ່າງທ່ານປະທານາທິບໍດີ ຕວັກກີ ແລະ ນາຍົກລັດຖະມົນຕີ ສະວິດ ຢູ່ນອກກອງປະຊຸມສຸດຍອດ NATO ເພື່ອໃຫ້ສອງຝ່າຍສືບຕໍ່ປຶກສາຫາລືກ່ຽວກັບບັນຫານີ້.
ນັກຂ່າວ VOV ປະຈຳ ອາເມລິກາ