ອາເມລິກາ, ອັງກິດມຸ່ງໄປເຖິງຂໍ້ຕົກລົງການຄ້າເສລີ
(VOVWORLD) -ວັນທີ 16 ທັນວາ, ທ່ານ Donald Trump ປະທານາທິບໍດີ ອາເມລິກາ ແລະ ທ່ານ Boris Johnson ນາຍົກລັດຖະມົນຕີ ອັງກິດ ໄດ້ມີການເຈລະຈາທາງໂທລະສັບ, ພາຍຫຼັງ ສອງ ສາມວັນ ທີ່ພັກນິຍົມຮັກສາເດີມຂອງທ່ານ Boris Johnson ຍາດເອົາໄຊຊະນະ ແລະ ກວມເອົາທີ່ນັ່ງ ສ່ວນຫຼາຍ ຢູ່ສະພາແຫ່ງຊາດອັງກິດ.
 ທ່ານ Donald Trump ປະທານາທິບໍດີ ອາເມລິກາ ແລະ ທ່ານ Boris Johnson ນາຍົກລັດຖະມົນຕີ ອັງກິດ (ພາບ: AP) |
ໃນການເຈລະຈາທາງໂທລະສັບ, ການນຳ 2 ປະເທດ ໄດ້ປຶກສາຫາລືກ່ຽວກັບຄວາມສຳຄັນຂອງການພົວພັນສອງຝ່າຍ, ຄວາມສາມາດບົ່ມຊ້ອນໃນບັນດາຂົງເຂດຄື ຄວາມໝັ້ນຄົງ ແລະ ການຄ້າ, ລວມມີການເຈລະຈາກ່ຽວກັບຂໍ້ຕົກລົງການຄ້າເສລີທີ່ເຕັມໄປດ້ວຍແງ່ຫວັງ. ກ່ອນໜ້ານັ້ນ, ທ່ານ Donald Trump ເຄີຍເຕື້ອງເຖິງຂໍ້ຕົກລົງການຄ້າສອງຝ່າຍກັບ ອັງກິດ ເປັນຫຼາຍຄັ້ງພາຍຫຼັງ ທີ່ປະເທດນີ້ຖອນຕົວອອກຈາກ ສະຫະພາບ ເອີລົບ. ໃນວັນດຽວກັນທ່ານ Larry Kudlow ທີ່ປຶກສາດ້ານເສດຖະກິດທຳນຽບຂາວ ໃຫ້ຮູ້ວ່າ ອາເມລິກາ ແລະ ອັງກິດຈະເລີ່ມຕົ້ນປຶກສາຫາລືຂໍ້ຕົກລົງການຄ້າໂດຍໄວ, ແຕ່ກໍ່ບໍ່ຮູ້ວັນເວລາຢ່າງລະອຽດ.
ຟ້າມຮວນ - ນັກຂ່າວ VOV ປະຈຳອາເມລິກາ