( vovworld ) – ໃນສານສະບັບໜື່ງສົ່ງເຖິງຜູ້ນຳທາງດ້ານຈິດໃຈຂອງອີຮານ ສາດສະດາ Ali Khamenei, ທ່ານປະທານາທິບໍດີອາເມລິກາ Barack Obama ໄດ້ເວົ້າວ່າ ອາເມລິກາ ອາດຈະຮັບຮູ້ໂຄງການນິວເຄຼຍພົນລະເຮືອນຂອງອີຮານ ຖ້າຮາກຜູ້ນຳ Khamenei ສາມາດຢັ້ງຢືນຖະແຫຼງຂອງຕົນເມື່ອມໍ່ໆມານີ້ວ່າອີຮານ “ ບໍ່ເດີນຕາມອາວຸດນິວເຄຼຍ ”. ສານດັ່ງກ່າວຂອງທ່ານປະທານາທິບໍດີ Obama ຖືກທ່ານນາຍົກລັດຖະມົນຕີຕວກກີ Recep Tayip Erdogan ຝາກເຖິງຜູ້ນຳທາງດ້ານຈິດໃຈຂອງອີຮານ ໃນການຢ້ຽມຢາມອີຮານ ຂອງທ່ານໃນອາທິດແລ້ວນີ້. ໂຄງການນິວເຄຼຍຂອງອີຮານ ແມ່ນຫົວຂໍ້ທີ່ກໍ່ໃຫ້ເກີດການໂຕ້ຖຽງກັນລະຫວ່າງອີຮານ ແລະ ປະຊາຄົມໂລກ. ອາເມລິກາ, ອິດສະຣາແອນ ແລະ ບັນດາປະເທດພັນທະມິດໄດ້ຖືວ່າ ອີຮານ ມີຄວາມທະເຍີທະຍານຜະລິດອາວຸດນິວເຄຼຍ, ໃນຂະນະທີ່ອີຮານ ຢັ້ງຢືນໂຄງການນິວເຄຼຍຂອງເຂົ້າເຈົ້າເພື່ອຮັບໃຊ້ໃຫ້ແກ່ເປົ້າໝາຍສັນຕິພາບ.