ອາເມລິກາ ຮຽກຮ້ອງ ອະນຸຍາດໃຫ້ບັນດາ ຜູ້ສັງເກດການ ສະຫະ ປະຊາຊາດ ກັບຄືນສູ່ ສປປ ເກົາຫຼີ
ທູດພິເສດຂອງ ອາເມລິກາ ກ່ຽວກັບບັນຫາ ສປປ ເກົາຫຼີ
(ພາບ: cntv.cn.)
|
(vovworld) - ວັນທີ 6/3, ອາເມລິການໄດ້ຮຽກຮ້ອງ ສປປ ເກົາຫຼີ ພິສູດບັນດາຄວາມຄຳໝັ້ນສັນຍາຂອງປະເທດນີ້ ກ່ຽວກັບການຫຼຸດຜ່ອນໂຄງການນິວເຄຼຍຢ່າງເຂັ້ມງວດ ດ້ວຍວິທີ ອະນຸຍາດໃຫ້ບັນດາຜູ້ສັງເກດການສະຫະປະຊາຊາດກັບຄືນສູ່ປະເທດນີ້ໂດຍໄວ ເພື່ອຕິດຕາມກວດກາບັນດາຄຳໝັ້ນສັນຍາຂອງປະເທດນີ້. ໃນແຫຼງການທີ່ຍົກອອກມາ ຕໍ່ຄະນະຜູ້ອຳນວຍການອົງການພະລັງງານປະລະມານູສາກົນ (ຫຼື IAEA), ທ່ານ Robert Wood, ສະມາຊິກຂອງຄະນະປະຕິບັດງານ ອາເມລິການ ຢູ່ IAEA ເວົ້າວ່າ: ອາເມລິກາ ຖືບັນດາຄຳໝັ້ນສັນຍາເຊິ່ງ ສປປ ເກົາຫຼີ ຍົກອອກມາໃນອາທິດກ່ອນ ແມ່ນການກະທຳທຳອິດທີ່ມຸ້ງໄປສູ່ການຫຼຸດຜ່ອນອາວຸດນິວເຄຼຍຂອງປະເທດນີ້. ທ່ານ Wood ກໍໃຫ້ຮູ້ໄດ້ຮຽກຮ້ອງໃຫ້ ສປປ ເກົາຫຼີ ສະເໜີການພົບປະໂດຍກົງກັບ IAEA ຍິ່ງໄວກໍຍິງດີ.
ກ່ອນໜ້ານັ້ນ, ສປປ ເກົາຫຼີ ໄດ້ປະກາດຈະຢຸດຕິບັນດາປັດໄຈຕົ້ນຕໍຂອງໂຄງການນິວເຄຼຍຂອງປະເທດນີ້ ແລະ ອະນຸຍາດໃຫ້ບັນດາຜູ້ສັງເກດການ ສະຫະປະຊາຊາດກັບຄືນສູ່ ສປປ ເກົາຫຼີ ເພື່ອແນໃສ່ແລກເອົາທັນຍາຫານນັບຮ້ອນໂຕນເຊິ່ງ ອາເມລິກາ ສະຫງວນ ໃຫ້ແກ່ ສປປ ເກົາຫຼີ, ກໍຄື ແມ່ນກາລະໂອກາດເພື່ອໃຫ້ບັນດາຝ່າຍເຊື່ອມຕໍ່ການເຈລະຈາ 6 ຝ່າຍທີ່ເຄິຍຖືກຢຸດສະງັກນັບແຕ່ປີ 2008. ໃນຖະແຫຼງການຕໍວົງການນັກຂ່າວເມື່ອຕົ້ນອາທິດນີ້, ທ່ານ Yukiya Amano, ຜູ້ອຳນວຍການໃຫຍ່ IAEAໃຫ້ຮູ້ວ່າ: ຍັງບໍ່ທັນມີການປຶກສາຫາລື ກັບ ສປປ ເກົາຫຼີ ກ່ຽວກັບຈຸດເວລາທີ່ບັນດາຜູ້ສັງເກດການຂອງອົງການນີ້ກັບຄືນສູ່ປະເທດ ສປປ ເກົາຫຼີເທື່ອ.