ອາເມລິກາ, ເມັກຊີໂກ ບັນລຸໄດ້ຂໍ້ຕົກລົງກ່ຽວກັບບັນຫາຊາວອົບພະຍົບ
(VOVWORLD) - ວັນທີ 07 ມິຖຸນາ (ຕາມເວລາ ອາເມລິກາ), ທ່ານປະທານາທິບໍດີ ອາເມລິກາ Donald Trump ໃຫ້ຮູ້ວ່າ: ທ່ານໄດ້ຢຸດຕິແຜນການຈັດວາງພາສີເພີ່ມເຕີມແນໃສ່ສິນຄ້າ ເມັກຊີໂກ ໂດຍບໍ່ມີການກຳນົດເວລາ, ພາຍຫລັງ 2 ຝ່າຍບັນລຸໄດ້ຂໍ້ຕົກລົງກ່ຽວກັບບັນຫາຊາວອົບພະຍົບເຂົ້າມາຕັ້ງຖິ່ນຖານ.
ໃນສື່ສັງຄົມອອນລາຍ Twitter ສ່ວນຕົວ, ທ່ານ Donald Trump ຂຽນວ່າ “ຂ້າພະເຈົ້າມີຄວາມພາກພູມໃຈແຈ້ງຂໍໃຫ້ພວກເພື່ອນຮັບຊາບວ່າ ອາເມລິກາ ບັນລຸໄດ້ຂໍ້ຕົກລົງ ກັບ ເມັກຊີໂກ ກ່ຽວກັບເລື່ອງຄາດວ່າ ອາເມລິກາ ຈະຜັນຂະຫຍາຍການຈັດວາງອັດຕາພາສີໃສ່ ເມັກຊີໂກ ໃນວັນທີ 10 ມິຖຸນາ ນັ້ນໄດ້ຖືກຢຸດຕິລົງແລ້ວ ໂດຍບໍ່ມີການກຳນົດເວລາ. ສ່ວນຝ່າຍ ເມັກຊີໂກ ໄດ້ເຫັນດີເປັນເອກະພາບ ຍົກອອກບັນດາມາດຕະການແຂງກະດ້າງ ເພື່ອສະກັດກັ້ນກະແສຟອງຊາວອົບພະຍົບທີ່ໄປຜ່ານ ເມັກຊີໂກ, ແລະ ໄປເຖິງຊາຍແດນທາງທິດໃຕ້ຂອງພວກເຮົາ. ຂໍ້ຕົກລົງນີ້ໄດ້ສຳເລັດ ເພື່ອຈຳກັດສ່ວນໃຫຍ່, ຫຼື ຢຸດຕິການອົບພະຍົບຢ່າງຜິດກົດໝາຍຈາກ ເມັກຊີໂກ ເຂົ້າ ອາເມລິກາ”.