ອາເມລິກາ ແລະ ນາໂຕ ປຶກສາຫາລື້ຄຳໝັ້ນສັນຍາກ່ຽວກັບການສະຫນັບສະຫນູນ ຢູແກຼນ
(VOVWORLD) -ວັນທີ 31 ພຶດສະພາ, ລັດຖະມົນຕີການຕ່າງປະເທດ ອາເມລິກາ ທ່ານ Blinken ໄດ້ມີການພົບປະກັບທ່ານ Jens Stoltenberg ເລຂານຸການ ນາໂຕ ຢູ່ ນອກກອງປະຊຸມລັດຖະມົນຕີການຕ່າງປະເທດ ນາໂຕ ບໍ່ເປັນທາງການ ຢູ່ ນະຄອນຫລວງ Prague ຂອງ ສ. ເຊັກໂກ.
 ລັດຖະມົນຕີການຕ່າງປະເທດ ອາເມລິກາ Antony Blinken ແລະ ທ່ານ Jens Stoltenberg ເລຂານຸການ ນາໂຕ. ພາບ. AP/Petr David Josek: |
ການນຳສອງທ່ານໄດ້ປຶກສາຫາລືຄຳໝັ້ນສັນຍາຂອງສາອງຝ່າຍສຳລັບການສະຫນັບສະຫນູນ ຢູແກຼນ ໃນການປະທະກັນກັບລັດເຊຍ. ສອງຝ່າຍກໍ່ໄດ້ປຶກສາຫາລືບາງເນື້ອໃນໃຫ້ແກ່ກອງປະຊຸມສຸດຍອດ ນາໂຕ ຢູ່ ນະຄອນຫລວງ ວໍຊິງຕັນ ໃນເດືອນ ສິງຫາ ຈະມາເຖິງ. ລັດຖະມົນຕີການຕ່າງປະເທດ ອາເມລິກາ ເນັ້ນຫນັກຄວາມສຳຄັນຂອງເລື່ອງບັນດາປະເທດພັນທະມິດ ນາໂຕ ພ້ອມກັນແບ່ງປັນຄວາມຮັບຜິດຊອບຢ່າງຍຸຕິທຳໃນການປ້ອງກັນລວມໝູ່.
ແລະກໍ່ໃນວັນດຽວກັນ, ລັດເຊຍ ແລະຢູແກຼນ ໄດ້ແລກປ່ຽນສະເລີຍເສິກ ຕາມຂໍ້ຕົກລົງໂດຍ ສະຫະລັດ ອາຣັບ ເອມີເລດ (UAE) ເປັນປະເທດເປັນກາງຊ່ວຍໄກ່ເກຍ. ກະຊວງການຕ່າງປະເທດ UAE ໃຫ້ຮູ້ວ່າເ ນີ້ແມ່ນຄວາມມານະພະຍາຍາມໄກ່ເກ່ຍຄັ້ງທີ 3 ລະຫວ່າງ ລັດເຊຍ ແລະ ຢູແກຼນ ນັບແຕ່ຕົ້ນປີມາຮອດປະຈຸບັນ ພ້ອມທັງຮຽກຮ້ອງບັນດາຝ່າຍຊຸກຍູ້ມາດຕະການແກ້ໄຂທາງການທູດ, ການເຈລະຈາ ແລະຫລຸດຜ່ອນຄວາມເຕັ່ງຕຶງ.