(vovworld) - ໃນການເຈລະຈາເມື່ອວັນທີ 7/5 ຢູ່ທຳນຽບຂາວ, ທ່ານປະທານາທິບໍດີ ອາເມລິກາ Barack Obama ແລະ ທ່ານນາງປະທານາທິບໍດີ ສ ເກົາຫຼີ Park Geun – hye ທີ່ພວມຢູ່ຢ້ຽມຢາມ ອາເມລິກາ ໄດ້ເຫັນດີສືບຕໍ່ຂົ່ມຂູ່ ແລະ ສະກັດກັ້ນ, ແທນທີ່ຈະຜ່ອນສັ້ນຜ່ອນຍາວຕໍ່ບັນດາການກະທຳເຊິ່ງ 2 ຝ່າຍຖືວ່າ “ເກາະຜິດ” ຂອງ ສປປ ເກົາຫຼີ, ແຕ່ຍັງສ້າງໂອກາດເພື່ອຊອກຫາມາດຕະການແກ້ໄຂຢ່າງສັນຕິໃນແຫຼມ ເກົາຫຼີ. ກ່າວຄຳເຫັນໃນການປະຊຸມຂ່າວລວມພາຍຫຼັງການເຈລະຈາ, ທ່ານປະທານາທິບໍດີ Obama ໃຫ້ຮູ້ວ່າ ທ່ານ ແລະ ທ່ານນາງປະທານາທິບໍດີ ສ ເກົາຫຼີ Park Geun – hye ມີທັດສະນະລວມຈະສືບຕໍ່ການຂົ່ມຂູ່ຍ້ອນວ່າມາຮອດຈຸດເວລານີ້ 2 ປະເທດ “ຍັງບໍ່ທັນເຫັນບັນດາການກະທຳທ່ີຕ່າງຫາກຈາກຝ່າຍ ພຽງຢາງ”. ແຕ່ເຖິງຢ່າງໃດກໍ່ຕາມ, ທ່ານ Obama ຍັງຖະແຫຼງຈະສືບຕໍ່ສ້າງເງື່ອນໄຂໃຫ້ແກ່ການຊອກຫາເສັ້ນທາງສັນຕິພາບເພື່ອແກ້ໄຂສະພາບການເຄັ່ງຕຶງໃນປະຈຸບັນໃນແຫຼມ ເກົາຫຼີ. ທ່ານປະທານາທິບໍດີ Obama ໃຫ້ຮູ້ວ່າ: ໃນການເຈລະຈາ ອາເມລິກາ ແລະ ສ ເກົາຫຼີ ກໍ່ເຫັນດີເປັນເອກະພາບສືບຕໍ່ຍູ້ແຮງເລື່ອງປະຕິບັດສັນຍາການຄ້າເສລີລະຫວ່າງ 2 ປະເທດ, ພ້ອມທັງເພີ່ມທະວີການຮ່ວມມືກ່ຽວກັບພະລັງງານສະອາດ ແລະ ປ້ອງກັນຄວາມສະຫງົບ.