ເລື່ອງສ້າງແຫຼມເກົາຫຼີ ປອດນິວເຄຼຍ ຈະແມ່ນເນື້ອໃນແຖວໜ້າໃນໂຄງການດຳເນີນງານຂອງການພົບປະສຸດຍອດລະຫວ່າງທ່ານປະທານາທິບໍດີອາເມລິກາ Donald Trump ແລະ ການນຳສປປ.ເກົາຫຼີ Kim Jong un ເຊິ່ງຄາດວ່າຈະດຳເນີນໃນເດືອນ ມິຖຸນາ ຈະມາເຖິງ.

      ກ່ອນໜ້ານັ້ນ, ທ່ານເອກອັກຄະລັດຖະທູດສ.ເກົາຫຼີ ປະຈຳອາເມລິກາ Cho Yoon je ແລະ ຜູ້ຮັກສາການຊ່ວຍວຽກລັດຖະມົນຕີການຕ່າງປະເທດອາເມລິກາ ຮັບຜິດຊອບພາກພື້ນອາຊີຕາເວັນອອກ Susan Thornton ໄດ້ມີການປຶກສາຫາລືຢູ່ວໍຊິງຕັນ. ໃນນັ້ນ 2 ຝ່າຍໄດ້ເປັນເອກະພາບນຳກັນວ່າ ຈະດຳເນີນບັນດາການທາບທາມຄວາມເຫັນປະຈຳໄລຍະ ດ້ວຍການເຂົ້າຮ່ວມຂອງບັນດານັກການທູດຢູ່ສະຖານທູດສ.ເກົາຫຼີ ປະຈຳອາເມລິກາ ແລະ ກະຊວງການຕ່າງປະເທດອາເມລິກາ.