(vovworld) - ວັນທີ 12/05, ກະຊວງການຕ່າງປະເທດອາເມລິກາ ໄດ້ອອກແຈ້ງການໂດຍໃຫ້ຮູ້ວ່າ, ປະເທດນີ້ ແລະ ກຸຍບາ ຈະດຳເນີນກອງປະຊຸມຄັ້ງທີ 3 ຂອງຄະນະກຳມະການ 2 ຝ່າຍ ຢູ່ນະຄອນຫຼວງ ລາຮາວານ, ປະເທດກຸຍບາ ໃນວັນທີ 16/05 ຈະມາເຖິງ. ຕາມແຈ້ງການຂ່າວຂອງກະຊວງການຕ່າງປະເທດອາເມລິກາ ແລ້ວ, ພາຍຫຼັງການຢ້ຽມຢາມປະຫວັດສາດເຖິງກຸຍບາ ເມື່ອກາງເດືອນ 03 ຂອງທ່ານປະທານາທິບໍດີອາເມລິກາ Barack Obama, ທ່ານລັດຖະມົນຕີວ່າການກະຊວງການຕ່າງປະເທດອາເມລິກາ John Kerry ໄດ້ຮຽກຮ້ອງໃຫ້ທີ່ປຶກສາກະຊວງການຕ່າງປະເທດອາເມລິກາ, ເອກອັກຄະລັດຖະທູດ Kristie Kenney, ນຳໜ້າຄະນະຜູ້ແທນປະເທດນີ້ ເຂົ້າຮ່ວມກອງປະຊຸມຄະນະກຳມະການ 2 ຝ່າຍຄັ້ງທີ 3. ເຂົ້າຮ່ວມຄະນະຜູ້ແທນອາເມລິກາ ຄັ້ງນີ້ມີທ່ານຮອງຜູ້ຊ່ວຍວຽກລັດຖະມົນຕີການຕ່າງປະເທດ John Cremer. ໃນຂະນະນັ້ນ, ຄະນະຜູ້ແທນກຸຍບາ ໂດຍທ່ານຫົວໜ້າກົມບັນດາບັນຫາອາເມລິກາ ຂອງກະຊວງການຕ່າງປະເທດກຸຍບາ Josefina Vidal ນຳໜ້າ. ຕາມແຈ້ງການດັ່ງກ່າວແລ້ວ, ບຸລິມະສິດອັບດັບໜຶ່ງຂອງວໍຊິງຕັນ ແມ່ນເພີ່ມທະວີການເຈລະຈາກັບລັດຖະບານກຸຍບາ ກວ່າອີກ, ໃນນັ້ນ, ກົນໄກກອງປະຊຸມຄະນະກຳມະການ 2 ຝ່າຍແມ່ນກົນໄກຕົ້ນຕໍ່.