(vovworld) - ວັນທີ 30/03, ທ່ານລັດຖະມົນຕີຊ່ວຍວ່າການກະຊວງປ້ອງກັນປະເທດອາເມລິກາ Robert Work ໃຫ້ຮູ້ວ່າ, ອາເມລິກາ ຈະບໍ່ຮັບຮູ້ເຂດກວດກາເຊິ່ງຈີນ ອາດຈະສ້າງຕັ້ງພຽງລຳພັງຝ່າຍດ່ຽວຢູ່ທະເລຕາເວັນອອກ. ຕາມທ່ານ Robert Work ແລ້ວ, ບັນດາເຂດຄວບຄຸມນີ້ບໍ່ອີ່ງໃສ່ກົດໝາຍສາກົນ ແລະ ອາເມລິກາ ຈະສືບຕໍ່ນຳເອົາກ່ຳປັ່ນ ແລະ ເຮືອບິນເຂົ້າເຄື່ອນໄຫວບໍ່ວ່າຢູ່ເຂດໃດເຊິ່ງກົດໝາຍສາກົນອະນຸຍາດ. ທ່ານ Robert Work ເນັ້ນໜັກວ່າ, ອາເມລິກາ ໄດ້ຖະແຫຼງກັບຈີນ ຢ່າງກົງໄປກົງມາວ່າ ເຂດປ້ອງກັນອາກາດ ພາໃຫ້ຂາດສະຖຽນລະພາບໃນພາກພື້ນ ແລະ ທຸກໆຄຳຮຽກຮ້ອງອະທິປະໄຕຢູ່ທະເລຕາເວັນອອກ ຕ້ອງໄດ້ຮັບການແກ້ໄຂຜ່ານການເຈລະຈາ ຫາກບໍ່ແມ່ນດ້ານການໃຊ້ກຳລັງອາວຸດ ຫຼື ນາບຂູ່. ຖະແຫຼງການຂອງອາເມລິກາ ຖືກຍົກອອກມາໃນສະພາບທີ່ທ່ານປະທານປະເທດຈີນ ສືຈິນຜິງ ພວມກະກຽມໄປອາເມລິກາ ເພື່ອເຂົ້າຮ່ວມກອງປະຊຸມສຸດຍອດນິວເຄຼຍ ເຊິ່ງຈະດຳເນີນໃນທ້າຍອາທິດນີ້ ແລະ ຄາດວ່າຈະມີການພົບປະ 2 ຝ່າຍກັບທ່ານປະທານາທິບໍດີອາເມລິກາ Barack Obama.