(vovworld) - ກ່າວປາໄສວັນທີ 27/04, ເມື່ອເຕື້ອງເຖິງການເຄື່ອນໄຫວຢູ່ທະເລຕາເວັນອອກ, ຜູ້ບັນຊາການກອງທັບເຮືອອາເມລິກາ ພົນເຮືອເອກ John Richardson ໃຫ້ຮູ້ວ່າ, ທ່ານຢາກໃຫ້ສາກົນເຂົ້າຮ່ວມບັນດາການເຄື່ອນໄຫວເດີນທະເລຢ່າງເສລີຢູ່ທະເລຕາເວັນອອກຫຼາຍກວ່າ. ກ່ອນໜ້ານັ້ນ, ວັນທີ 26/04, ຜູ້ບັນຊາການກອງບັນຊາການປາຊີຟິກ ຂອງອາເມລິກາ Harry Harris ກໍ່ເວົ້າວ່າ, ວໍຊິງຕັນ ອາດຈະດຳເນີນບັນດາການເຄື່ອນໄຫວເດີນທະເລຢ່າງເສລີໃໝ່ຢູ່ທະເລຕາເວັນອອກໂດຍໄວ. ອຳນາດການປົກຄອງອາເມລິກາ ໄດ້ຖະແຫຼງເປັນຫຼາຍຄັ້ງແລ້ວທີ່ວ່າ ບັນດາການເຄື່ອນໄຫວຂອງກອງທັບເຮືອອາເມລິກາ ຢູ່ທະເລຕາເວັນອອກ ແມ່ນເພື່ອຈຸດປະສົງສະແດງຄວາມເສລີໃນການໄປມາຢູ່ເຂດທະເລສາກົນ, ເຊິ່ງສົນທິສັນຍາຂອງຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ໄດ້ອະນຸຍາດ ແລະ ນີ້ບໍ່ແມ່ນການກະທຳເກາະຜິດຕໍ່ຈີນ. ວໍຊິງຕັນ ກໍ່ຖືວ່າ, ບັນດາການຂັດແຍ້ງກັນຢູ່ທະເລຕາເວັນອອກ ຕ້ອງໄດ້ຮັບການແກ້ໄຂຜ່ານການເຈລະຈາ ຫາກບໍ່ແມ່ນບັງຄັບ, ນຳໃຊ້ກຳລັງອາວຸດ ແລະ ນາບຂູ່.