(vovworld) – ເລື່ອງ ຈີນ ນຳຮ້ານເຈາະນ້ຳມັນ ໄຮຢາງ 981 ເຂົ້າເຂດທະເລຕາເວັນອອກ, ທີ່ຂຶ້ນກັບເຂດນ່ານທະເລຫວຽດນາມ, ແມ່ນການກະທຳມີລັກສະນະເກາະຜິດ ແລະ ກໍ່ຄວາມຂາດສະຖຽນລະພາບໃນພາກພື້ນ. ກ່າວຄຳເຫັນໃນການປະຊຸມຂ່າວເມື່ອວັນທີ 6/5 ຢູ່ສຳນັກງານກະຊວງການຕ່າງປະເທດ ອາເມລິກາ ຢູ່ ວໍຊິງຕັນ, ໂຄສົກກະຊວງການຕ່າງປະເທດ ອາເມລິກາ, ທ່ານນາງ Jen Psaki, ໃຫ້ຮູ້ວ່າ: ອາເມລິກາ ໄດ້ ແລະ ພວມພິຈາລະນາຢ່າງເຂັມງວດເຫດການນີ້. ທ່ານນາງກ່າວວ່າ:
“ຕໍ່ໜ້າຄວາມເຄັ່ງຕຶງນີ້ຢູ່ທະເລຕາເວັນອອກ, ຂໍ້ຕົກລົງຂອງ ຈີນ ໃນການນຳໃຊ້ຮ້ານເຈາະນ້ຳມັນແມ່ນມີລັກສະນະເກາະຜິດ ແລະ ບໍ່ມີຜົນປະໂຫຍດໃຫ້ແກ່ການຮັກສາສັນຕິພາບ ແລະ ສະຖຽນລະພາບໃນພາກພື້ນ. ບັນດາເຫດການຄືແນວນັ້ນສະແດງໃຫ້ເຫັນວ່າ: ບັນດາຝ່າຍທີ່ຮຽກຮ້ອງອະທິປະໄຕຢູ່ທະເລຕາເວັນອອກ ຄວນເຮັດແຈ້ງຄຳຮຽກຮ້ອງຂອງຕົນໂດຍອີງໃສ່ກົດໝາຍສາກົນ.”
ທ່ານນາງໂຄສົກ Jen Psaki ໃຫ້ຮູ້ວ່າ: ອາເມລິກາ ບໍ່ທັນຮັບຮູ້ເລື່ອງ ຈີນ ນຳຮ້ານເຈາະນ້ຳມັນເຂົ້າເຂດພິດພາດຢູ່ທະເລຕາເວັນອອກແມ່ນການກະທຳປະຕິກິລິຍາທີ່ມີຕໍ່ການຢ້ຽມຢາມຂອງທ່ານປະນາທາທິບໍດີ Barack Obama ເຖິງບັນດາປະເທດອາຊີ ຫວ່າງແລ້ວນີ້ ຫຼືບໍ່. ໃນການຢ້ຽມຢາມ ອາຊີ ຜ່ານມາ, ທ່ານປະທານາທິບໍດີ Obama ໄດ້ອອກສຽງຮຽກຮ້ອງ ຈີນ ວ່າ: ໃນບັນດາການກະທຳທັງຢູ່ທະເລຕາເວັນອອກ ແລະ ທະເລຮວາຕູງ ຕ້ອງປະຕິບັດຕາມກົດໝາຍສາກົນ.