ທ່ານນາງເອກອັກຄະລັດຖະທູດອາເມລິກາ ປະຈຳສະຫະປະຊາຊາດ Nikki Haley
(ພາບ: AFP/TTXVN)
(vovworld) - ວັນທີ 08/03, ທ່ານນາງເອກອັກຄະລັດຖະທູດອາເມລິກາ ປະຈຳສະຫະປະຊາຊາດ Nikki Haley ຖະແຫຼງວ່າ ວໍຊິງຕັນ ພວມພິຈາລະຈາວິທີໂຕ້ຕອບເລື່ອງສປປ.ເກົາຫຼີ ຍິງລູກສອນໄຟຫວ່າງແລ້ວນີ້ ແລະ ບໍ່ປະຕິເສດບໍ່ວ່າການຄັດເລືອກໃດໆ. ກ່າວຄຳເຫັນຕໍ່ວົງການນັກຂ່າວ, ພາຍຫຼັງກອງປະຊຸມລັບຂອງສະພາຄວາມໝັ້ນຄົງສະຫະປະຊາຊາດ, ທ່ານນາງ Nikki Haley ຢືນຢັນວ່າ “ທຸກໆການຄັດເລືອກລ້ວນແຕ່ໄດ້ປຶກສາຫາລື”. ເຖິງຢ່າງໃດກໍ່ຕາມ, ທ່ານນາງບໍ່ໃຫ້ຮູ້ບັນດາການຄັດເລືອກນັ້ນແມ່ນຄືແນວໃດ.
ກໍ່ໃນການປະຊຸມຂ່າວ, ທ່ານເອກອັກຄະລັດຖະທູດອັງກິດ ປະຈຳສະຫະປະຊາຊາດ Matthew Rycroft ຖືວ່າ, ບັນດາເຫດຍິງລູກສອນໄຟຂອງສປປ.ເກົາຫຼີ ຫວ່າງມໍ່ໆມານີ້ ໄດ້ກໍ່ຄວາມເຄັ່ງຕຶງຢູ່ພາຍໃນ ແລະ ນອກພາກພື້ນ ແລະ ເຮັດໃຫ້ເກີດໄພຊ່ວງເສງກັນດ້ານອາວຸດຖືກເພີ່ມຂຶ້ນ.