ທ່ານລັດຖະມົນຕີການຕ່າງປະເທດ ອາເມລິກາ John Kerry ແລະ ທ່ານນາງປະທານາທິບໍດີ ສ ເກົາຫຼີ Park Geun-hye
(ພາບ: AFP/TTXVN)
(vovworld) – ວັນທີ 14/2, ທ່ານລັດຖະມົນຕີການຕ່າງປະເທດ ອາເມລິກາ John Kerry ສືບຕໍ່ການປະຕິບັດງານຢູ່ ອາຊີ. ວັນທີ 13/2, ໃນການປະຊຸມຂ່າວຮ່ວມກັບຄູ່ຕຳແໜ່ງ ສ ເກົາຫຼີ Yun Buyung – se, ທ່ານລັດຖະມົນຕີກະຊວງການຕ່າງປະເທດ John Kerry ຖະແຫຼງວ່າ: ອາເມລິກາ ຈະບໍ່ຮັບຮູ້ເລື່ອງ ສປປ ເກົາຫຼີ ກາຍເປັນປະເທດ ນິວເຄຼຍ ຫຼືວ່າ ກຳມະສິດອາວຸດນິວເຄຼຍ. ທ່ານ John Kerry ອີກເທື່ອໜຶ່ງເລັ່ງລັດ ສປປ ເກົາຫຼີ ຕ້ອງເຄົາລົບນັບຖືບັນດາຄຳໝັ້ນສັນຍາກ່ຽວກັບການປອດນິວເຄຼຍ.
ຕາມທ່ານ John Kerry ແລ້ວ, ສປປ ເກົາຫຼີ ບໍ່ທັນສະແດງຄຳໝັ້ນສັນຍາປອດນິວເຄຼຍຂອງຕົນ ແລະ ປະເທດນີ້ຕ້ອງມີການກະທຳເພື່ອສະແດງຄວາມຊື່ສັດ. ທ່ານ Kerry ກໍ່ເນັ້ນໜັກເລື່ອງຜຸກມັດບັນດາເຫດການມະນຸດສະທຳກັບບັນດາການເຄື່ອນໄຫວດ້ານການທະຫານແມ່ນບໍ່ເໝາະສົມ, ນັ້ນແມ່ນເວົ້າເຖິງເລື່ອງ ສປປ ເກົາຫຼີ ຮຽກຮ້ອງໃຫ້ ອາເມລິກາ ແລະ ສ ເກົາຫຼີ ລົບລ້າງການຊ້ອມຮົບຮ່ວມເຊິ່ງຄາດວ່າຈະເລີ່ມດຳເນີນໃນທ້າຍເດືອນນີ້.